پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف

راولپنڈی(اُردو پوائنٹ اخبارتازہ ترین - آن لائن۔ 26 اپریل2024ء) وزیر دفاع خواجہ آصف نے کہا کہ پاکستان کو غزہ کی بڑھتی ہوئی صورتحال پر گہری تشویش ہے۔ پاکستان نے مسلسل 1967 سے پہلے کی سرحدوں پر مبنی دو ریاستی حل کی وکالت کی ہے جو کہ مشرق وسطیٰ میں پائیدار امن کی کلید کے طور پر بین الاقوامی قانون اور متعلقہ اقوام متحدہ کی قراردادوں کے مطابق مسئلہ فلسطین کے منصفانہ، جامع اور دیرپا حل کے ساتھ ہے۔

انہوں نے یہ بھی کہا کہ پاکستان اس پلیٹ فارم سے اپنے غیر متزلزل عزم کا اعادہ کرتا ہے۔وفاقی وزیر دفاع اور دفاعی پیداوار خواجہ محمد ا?صف شنگھائی تعاون تنظیم (SCO) کے رکن ممالک کے وزرائے دفاع کے سالانہ اجلاس میں شرکت کے لیے قازقستان میں پاکستانی وفد کی قیادت کر رہے ہیں۔

(جاری ہے)

ملاقات میں دفاعی تعاون کے اقدامات سمیت علاقائی سلامتی کے امور کا جائزہ لیا گیا۔

وزیر دفاع نے شنگھائی تعاون تنظیم کے دوست ممالک کے وزرائے دفاع سے بھی ملاقاتیں کیں جس میں دوطرفہ دفاعی تعاون کے امور پر تبادلہ خیال کیا گیا۔ باہمی دلچسپی کے مختلف شعبوں بشمول متعلقہ علاقائی سلامتی، انسداد دہشت گردی، افغانستان کی صورتحال اور قومی سلامتی کی ترجیحات کا جائزہ، انتہا پسندی کے خطرات، بارڈر مینجمنٹ اور میری ٹائم سیکیورٹی پر بھی غور کیا گیا۔ وزیر دفاع نے فورم سے خطاب کرتے ہوئے کہا کہ میں اس بات کا اعادہ کروں گا کہ پاکستان کو ایس سی او کے ساتھ اپنی شراکت داری پر بہت فخر ہے اور وہ اس ایسوسی ایشن کو مزید گہرا اور وسعت دینے کے لیے پوری طرح پرعزم ہے۔