معیشت کی بحالی کے لیے بڑے اقدامات: اینٹی سمگلنگ کریک ڈائون

راولپنڈی (اُردو پوائنٹ اخبارتازہ ترین - آن لائن۔ 18 مئی2024ء) ملکی معیشت کی بحالی کے لیے حکومت پاکستان کے بڑے اقدامات ، اینٹی سمگلنگ کریک ڈائون بھرپور انداز سے جاری ، ملک بھر سے 3036 میٹرک ٹن کھاد، 262 میٹرک ٹن آٹا، 34626 میٹرک ٹن چینی، 236547 سگریٹ کے سٹاکس، 247133 کپڑے کے تھان اور 6.055 ملین لیٹر ایرانی تیل برآمد ، بڑے پیمانے پر گرفتاریاں ہوئیں۔آٹا ،چینی، کھاد اور تیل جیسی اہم اشیاء کی سمگلنگ کے باعث عوام کو بدترین حالات کا سامنا کرنا پڑتا ہے۔

عوام کی سلامتی اور مستحکم معیشت کی خاطر سمگلنگ کے خلاف کریک ڈائون کا آغاز کیا گیا، پانچ تا 12 مئی کے دوران ملک بھر میں 565 میٹرک ٹن چینی، 4127 سگریٹ کے سٹاکس، 1322 کپڑے کے تھان اور اعشاریہ ایک نو آٹھ چھے ملین لیٹر ایرانی تیل برآمد ہوا۔

(جاری ہے)

متعلقہ اداروں نے ملتان سے 99 ، کوئٹہ سے 3864 اور کراچی سے 164 سگریٹ کے سٹاکس برآمد کیے۔ ملتان سے 133 ، کراچی سے 483 اور کوئٹہ سے 706 کپڑے کے تھان پکڑے گئے۔

ملتان سے اعشاریہ صفر دو آٹھ ، کراچی سے اعشاریہ صفر ایک نو، پشاور سے اعشاریہ صفر ایک چھ اور کوئٹہ سے اعشاریہ ایک تین پانچ ملین لیٹر ایرانی تیل ضبط کیا گیا۔ یکم ستمبر 2023 سے اب تک ملک بھر سے 3036 میٹرک ٹن کھاد، 262 میٹرک ٹن ا?ٹا ، 34626 میٹرک ٹن چینی، 236547 سگریٹ کے سٹاکس، 247133 کپڑے کے تھان اور 6.05 ملین لیٹر ایرانی تیل برآمد ہو چکا ہے۔ متعلقہ ادارے ملک کو مشکلات سے نکالنے کے لیے سمگلنگ کے خلاف اپنی کاروائیاں جاری رکھنے کے لیے پرعزم ہیں۔