آپریشنل وجوہات کے سبب 14 پروازیں منسوخ

سیالکوٹ (اُردو پوائنٹ اخبارتازہ ترین - این این آئی۔ 29 اگست2025ء)آپریشنل وجوہات کے سبب 14 پروازیں منسوخ اور 11 متبادل ایئرپورٹس پر منتقل کردی گئیں۔فلائٹ شیڈول کے مطابق دبئی سے سیالکوٹ کی 4 پروازیں ای کے 618، 619، ایف زیڈ 337 اور 338، شارجہ سے سیالکوٹ کی 2 پروازیں جی 9553 اور 9554 اور دوحہ سے سیالکوٹ کی 2 پروازیں کیو ار 630 اور 631 بھی منسوخ ہوئیں جبکہ سیالکوٹ کی 11 پروازیں لاہور ایئرپورٹ سے آپریٹ کی گئی ۔

(جاری ہے)

جدہ سے لاہور کی غیر ملکی ایئر لائن کی 2 پروازیں، کراچی سے اسلام آباد کی نجی ایئر لائن کی پرواز پی اے 200، اسلام آباد سے اسکردو کی نجی ایئر لائن کی 2 پروازیں پی اے 251 اور 252 بھی منسوخ کر دی گئیں۔لاہور سے ٹورانٹو کی قومی ایئر کی پرواز پی کے 781 میں 15 گھنٹے، اسلام آباد سے بیجنگ کی پرواز پی کے 854 کی روانگی میں 3 گھنٹے کی تاخیر ہوئی۔ان کے علاوہ اسلام آباد ایئرپورٹ کی 13، کوئٹہ کی 4، فیصل آباد کی 4، پشاور کی 1، کراچی ایئرپورٹ کی 5، لاہور ایئرپورٹ کی 20 پروازوں میں 1 سے ساڑھے 5 گھنٹے کی تاخیر ہوئی۔