ن لیگ نے ہمیشہ پاکستان کی تعمیر ت ترقی سمیت ملک کی عوام کے بے لوث خدمات کیں ہیں اور ہمیشہ کرتی رہے گی، کھئیل داس کوہستانی

سکھر(اُردو پوائنٹ اخبارتازہ ترین - آن لائن۔ 29 نومبر2021ء) پاکستان مسلم لیگ ن اقلیتی ونگ صوبہ سندھ کے صدر و رکن قومی اسمبلی کھئیل داس کوہستانی نے کہا ہے کہ سندھ میں کوئی بھی افسوسناک واقعہ رونما ہوتا ہے تو نا وزیر اعظم پاکستان اور نا ہی وزیر اعلیٰ سندھ ایکشن لیتے ہیں ایسا لگتا ہے حکمران بے بس ہو گئے ہیں ، ن لیگ نے ہمیشہ پاکستان کی تعمیر ت ترقی سمیت ملک کی عوام کے بے لوث خدمات کیں ہیں اور ہمیشہ کرتی رہے گی موجودہ حالات میں ن لیگ عوام کو کسی صورت تنہا نہیں چھوڑیگی ، ان خیالات کا اظہار انہوں دس محرم الحر م کو لاپتہ ہونے والے پریا کمار ی کے ورثاء سریش کمار ، دینو مل ، مکھی ایشور لعل و دیگر سے ملاقات اور بعد ازیں میڈیا سے گفتگو کے دوران کیا اس موقع پر انکے ہمراہ ن لیگ سکھر اور خیرپور کے رہنما سعید بلیدی،درشن لال ،عبدافتاح، نصیر ڈیتھو،عالم خاسخیلی،صدام تھیبو اور معروف شاعر مختیار ملک بھی ہمراہ تھے، کھئیل داس کوہستانی اور چاچا سریش کمار اور دینو مل سے تفصیلات معلوم کی واقعہ پر اظہار افسوس کرتے ہوئے ورثاء کو اپنے مکمل تعاون کا یقین دلایا ، کھیئل داس وکوہستانی نے میڈیا سے گفتگو کرتے ہوئے مزید کہا کہ واقعہ موجودہ حکومت کے منہ پر طمانچہ ہے ، لاپتہ بچی کو بازیاب کرانے میں ناقص کارکردگی دیکھائی جا رہی ہے جس کی شدید الفاظ میں مذمت کرتے ہوئے اور مطالبہ کرتے ہیں کہ لاپتہ پریا کماری کو فی الفور بازیاب کرا کے ورثاء میں پائی جانیوالی بے چینی دور کی جائے ۔