Husn Ka Taaj Purkashish Sehat Mand Baal - Article No. 3199
حسن کا تاج پرکشش صحت مند بال - تحریر نمبر 3199
اپنی زلفوں کو اپنے حسن کا تاج بنائے رکھنے کے لئے ان کی حفاظت و نگہداشت پر خصوصی توجہ دیں
پیر 9 اکتوبر 2023
صحت مندانہ بالوں کے لئے اپنی زلفوں کو مکمل طور پر ہر وقت صاف ستھرا رکھنا اس جانب پہلا قدم ہے۔آپ کے بالوں کی دیکھ بھال کے معمول کا انحصار آپ کے بالوں کی ساخت پر منحصر ہو گا یعنی یہ کہ آپ کے بال خشک ٹائپ کے ہیں‘چکنے ہیں یا نارمل ہیں۔
(جاری ہے)
وہ لڑکیاں اور خواتین جو آلودگی کے ماحول میں رہتی ہیں انہیں اپنے بالوں کو زیادہ مرتبہ شیمپو کرنے کی ضرورت ہو گی۔گرمیوں میں بال پسینے میں تر ہو جاتے ہیں لہٰذا انہیں زیادہ مرتبہ دھونا ضروری ہو جاتا ہے۔سنہری اصول یہ ہے کہ جب کبھی بھی آپ کے بال گندے دکھائی دیں یا چپچپے محسوس ہوں تو آپ انہیں شیمپو کر لیں۔
ہیئر کنڈیشننگ سے بال بھرپور اور لچکدار دکھائی دیتے ہیں۔اپنے بالوں کی ساخت کے مطابق ایک عمدہ کنڈیشنر کا انتخاب کریں۔بالوں کو دھونے کے بعد بالوں پر کنڈیشنز لگائیں (کھوپڑی پر مت لگائیں جیسا کہ بعض خواتین بالوں کے ساتھ کھوپڑی پر بھی مالش کر لیتی ہیں)۔اسے دس منٹ تک لگا چھوڑ دیں اور پھر اچھی طرح سے دھو لیں۔
ہفتے میں ایک مرتبہ گرم تیل کی مالش کرنا کھوپڑی اور بال دونوں کے لئے بہترین محرک ہے۔تیل‘بالوں کی کنڈیشننگ کرتا ہے جبکہ مالش سے کھوپڑی میں خون کی گردش کو تحریک ملتی ہے اور ذہن کو سکون حاصل ہوتا ہے۔
تیل کو رات بھر بالوں میں لگا رہنے دیں اور اگلے روز ایک معتدل شیمپو استعمال کریں۔اس ٹریٹمنٹ سے بے جان بالوں میں نئی زندگی آ جاتی ہے اور ان کی طاقت اور تازگی بحال ہو جاتی ہے۔
بے جان اور بے کیف بالوں کے لئے ایک انڈے میں لیمن جوس کے 6 قطرے مکس کر لیں اور اچھی طرح سے پھینٹ لیں۔بالوں کی ہر لڑی پر ترتیب سے لگاتی جائیں۔بالوں کو ایک شاور کیپ سے ڈھانپ لیں اور 2 گھنٹے کے لئے چھوڑ دیں۔ایک نرم شیمپو سے بالوں کو دھو لیں۔آپ کے بال گھنے اور بھرے بھرے دکھائی دیں گے۔
بالوں کو دھونے کے بعد نصف بالٹی کنکنا (نیم گرم) پانی لے لیں۔اس میں 5 قطرے سرکہ ڈال دیں۔اس پانی کو آخری بار بالوں کو نتھارنے کے لئے استعمال کریں۔اس سے آپ کے بالوں میں اضافی چمک دمک آ جائے گی اور اس آب و تاب سے آپ خود بھی حیران رہ جائیں گی۔
ہر مہینے بالوں کے سروں کو تراشنا کٹے پھٹے اور مڑے تڑے کناروں کے مسئلے کو حل کر دیتا ہے۔اس سے بال بھی صحت مند دکھائی دیتے ہیں۔
ہر مرتبہ بالوں کو دھونے کے بعد انہیں تولیہ سے نرمی سے خشک کریں۔ڈرائزر کے استعمال سے گریز کریں کیونکہ یہ بالوں کے قدرتی تیلوں کو اُتار پھینکتے ہیں یعنی بالوں کی قدرتی چکنائی ختم ہو جاتی ہے اور بال روکھے‘بے جان اور بے کیف دکھائی دینے لگتے ہیں۔
اپنے بالوں میں اس وقت کنگھی بالکل نہ کریں جب وہ گیلے ہوں کیونکہ اس سے بال آسانی سے ٹوٹ جائیں گے۔انہیں اپنی انگلیوں کی مدد سے سلجھائیں۔چوڑے دندانوں والی کنگھی استعمال کریں۔وہ بھی اس وقت جب بالوں میں ہلکی سی نمی باقی رہ جائے۔ہیئر برش کا استعمال صرف اس وقت کریں جب بال مکمل طور پر خشک ہو جائیں۔
بالوں کو بہت زیادہ کھینچنے یا بل دینے کی کوشش نہ کریں۔اگر بال الجھے ہوئے ہیں تو پہلے کناروں کو برش سے سلجھائیں اور پھر دھیرے دھیرے بتدریج اوپر کھوپڑی کی جانب بڑھیں۔
خشک آملے کو رات بھر کے لئے پانی میں بھگو دیں اور پھر بالوں کو شیمپو کرنے کے بعد اس پانی سے بالوں کو نتھار لیں۔آخر میں ڈھیروں پانی سے اپنے بالوں کو اچھی طرح سے نتھار لیں۔اسے باقاعدگی سے استعمال کریں۔آملہ سے بالوں میں سفیدی دیر سے آتی ہے۔
ایک متوازن غذا اور ڈھیروں پانی پینے سے بال صحت مند اور مضبوط رہتے ہیں۔باقاعدہ ورزش بھی صحت مند بالوں کی افزائش میں مدد دیتی ہے۔
ہیئر برش اور کنگھیوں کی ہفتہ وار صفائی کیا کریں۔انہیں 10 منٹ کے لئے کسی ڈٹرجنٹ کے محلول میں ڈبو دیں اور ایک پرانے ٹوتھ برش سے رگڑیں۔کنگھیوں اور برشوں کے دندانے اور برسٹلز ہموار‘ملائم اور یکساں ہونے چاہئیں۔
کھردرے کناروں والے ہیئر پن اور کلپ کبھی استعمال نہ کریں کیونکہ ان سے آپ کے بال ٹوٹ سکتے ہیں۔
جہاں تک ممکن ہو سکے بالوں کے اسپرے اور جیل سے گریز کریں کیونکہ ان میں جو کیمیکلز ہوتے ہیں وہ آپ کے بالوں کو نقصان پہنچا سکتے ہیں۔
ایسے ہیئر اسٹائل کا انتخاب کریں جو آپ کے چہرے پر جچے۔
بالوں کی دیکھ بھال کے مندرجہ بالا مشوروں پر عمل کریں اور پھر دیکھیں کہ آپ کی شخصیت میں کیسی تبدیلی رونما ہوتی ہے․․․․․ایک خوشگوار تبدیلی جس سے آپ بھرپور لطف اندوز ہو سکتی ہیں۔
Browse More Hair Care, Hair Color & Hair Styling
سردیوں میں بالوں پر خصوصی توجہ دیجیے
Sardiyon Mein Balon Par Khusoosi Tawajah Dijiye
عید کا میک اپ اور ہیئر اسٹائل
Eid Ka Makeup Aur Hair Style
خوبصورت بال صرف تھوڑی سی توجہ سے
Khobsorat Baal Sirf Thori Si Tawajah Se
سفید بال چھپانے کے طریقے
White Hair Chupane Ke Tarike
سرسوں کا تیل اور حسن کی حفاظت
Sarson Ka Tail Aur Husn Ki Hifazat
پارٹی ہیئر اسٹائل․․․آسان بھی دیدہ زیب بھی
Party Hair Style - Asan Bhi Aur Deeda Zeb Bhi
اِک قوسِ قزح ہے رقصاں
Ik Qaus E Qaza Hai Raqsaan
موسم گرما کے ٹرینڈی اور ہاٹ اسٹائل
Mausam Garma Ke Trendy Aur Hot Style
آئلی بالوں کو منٹوں میں صاف اور چمکدار بنائیں
Oily Balon Ko Minton Mein Saaf Aur Chamakdar Banaye
موٹاپا‘ ایکنی اور بالوں کی خشکی
Motapa Acne Aur Balon Ki Khushki
موسم برسات میں بالوں کی حفاظت،کیسے
Mausam Barsaat Mein Balon Ki Hifazat Kaise
ہیئر پنز لہراتے بالوں کو دیں اسٹائل
Hair Pins Lehrate Baalon Ko Dein Style