وائٹ ہاوس میں ٹشوپیپرزمفت نہیں، خریدنا پڑتے تھے،اوباما کا انکشا ف

ہر مہینے کے آخر میں گھر کا خرچ دیتا تھا ، اپنے گھروالوں کی ذاتی استعمال کی اشیااپنے پیسوں سے خرید یں ، سا بق امر یکی صدر

منگل 24 جنوری 2017 11:58

وائٹ ہاوس میں ٹشوپیپرزمفت نہیں، خریدنا پڑتے تھے،اوباما کا انکشا ف

واشنگٹن(اُردو پوائنٹ اخبارتازہ ترین - آن لائن۔ 24 جنوری2017ء) امریکا کے سابق صدر اوباما نے کہا ہے کہ وائٹ ہاوس میں ٹشوپیپرزمفت نہیں ملتے تھے بلکہ خریدنا پڑتے تھے، ٹوتھ پیسٹ اوراورنج جوس بھی مفت نہیں ملتا۔ ہر مہینے کے آخر میں گھر کا خرچ دینا پڑتا ہے، چھٹیاں بھی اپنے خرچ پر ہوتی ہیں۔یہ سارے انکشافات سابق امریکی صدر باراک اوباما نے ایک صحافی سے گفتگو کے دوران کئے۔

انہوںنے بتا یا کہ وائٹ ہاوس میں وہ اپنی اور اپنے گھروالوں کی ذاتی استعمال کی اشیااپنے پیسوں سے خریدتے تھے۔صحافی نے سوال کیا کہ آخری مرتبہ کب اپنی جیب سے خرچ کیا اس پر انہوں نے جواب دیا کہ ایک چیز جو مجھے بیچین رکھتی تھی وہ یہ کہ لوگ کیا کہتے ہوںگے کہ جب ہم چھٹیوں پرہوتے ہیںتو عوام کے ٹیکس پر مزے اڑارہے ہیں۔

(جاری ہے)

لیکن ایسا نہیں ،میں اس متعلق تمام اخراجات خود برداشت کرتاتھا۔

انہوں نے مزید بتایا کہ واحد چیز جس کے لیے میں خرچ نہیں کرتا تھا وہ سیکریٹ سروس کاجہاز اور رابطے ،کیونکہ میراان پر کوئی اختیار نہیں تھا۔ہر مہینے کے آخر میں مجھے گروسری کا بل اداکرنا ہوتا تھا لیکن یہ بھی سچ ہے کہ میرا پرس اکثر میرے ساتھ نہیں ہوتا تھا۔ایک سوال کے جواب میں انہوں نے بتایا کہ وہ اپنی اہلیہ مشیل کے ساتھ کچھ وقت گزاریں گے، ان کو کچھ کام ایسے کرنے ہیں جو وہ مصروفیات کے باعث نہ کرسکے۔