ملالہ یوسفزئی پر حملہ کرنیوالا گروہ پکڑاگیا، سیاسی صورتحال سے فوج کا کوئی لینادینانہیں، آئی ایس پی آر
جمعہ 12 ستمبر 2014 16:39
راولپنڈی(اُردو پوائنٹ اخبار تازہ ترین۔12ستمبر 2014ء) پاک فوج نے ملالہ یوسفزئی اوراُن کی ساتھیوں پر حملہ کرنیوالے دہشتگرد گروہ کو حراست میں لے لیاہے ، موجودہ سیاسی سرگرمیوں سے فوج کا کوئی لینا دینانہیں ، ضرب عضب شروع کرنے سے قبل ہی جامع سیکیورٹی پلان ترتیب دے دیاگیاتھا۔ پاک فوج کے محکمہ تعلقات عامہ (آئی ایس پی آر) کے ڈائریکٹرجنرل عاصم باجوہ نے میڈیابریفنگ میں بتایاکہ ملافضل اللہ نے ملالہ یوسفزئی پر حملے کا منصوبہ بنایا، وہ افغانستان میں بیٹھ کر دہشتگردی کررہاہے ، ملافضل اللہ کی ہدایت پر شوریٰ کے نام سے جانیوالے 10رکنی گروہ کے دوارکان نے ملالہ یوسفزئی کو شناخت کے بعد نشانہ بنایا۔
اُنہوں نے بتایاکہ شوریٰ میں شامل تمام دہشتگردمالاکنڈ کے رہائشی ہیں اور وہ تحریک طالبان پاکستان سے منسلک ہیں ۔(جاری ہے)
میجرجنرل عاصم باجوہ نے بتایاکہ ملالہ اور شازیہ وغیرہ پرحملہ کرنیوالوں میں سے اسرارالرحمان نامی دہشتگردکو پہلے پکڑا جس کی نشاندہی پر پورے گروہ کی گرفتاری عمل میں آئی ۔ اُنہوں نے بتایاکہ شوریٰ گروہ کا سرغنہ ظفراقبال ہے اوراِسی گروہ نے کالج کے سیکیورٹی گارڈز کو بھی قتل کرنے کا اعتراف کیاہے،گرفتارگروہ ملافضل اللہ کے حکم پر عمل کرتااور کارروائی میں استعمال ہونیوالا اسلحہ بھی برآمد کرلیا، تمام گرفتارملزموں کو انسداددہشتگردی کی عدالت میں پیش کیاجائے گا۔
اُنہوں نے بتایاکہ کوئٹہ ایئربیس پر حملہ کرنے والے تمام دہشتگردمارے گئے جبکہ قائداعظم ریذیڈنسی پر حملہ کرنیوالے افراد بھی پکڑے جاچکے ہیں ۔
ترجمان کاکہناتھاکہ آپریشن ضرب عضب کامیابی سے جاری ہے اور اب تک 134خطرناک دہشتگردپکڑے جاچکے ہیں ،فوج ہر جگہ الرٹ ہے، آخری دہشتگرد کے خاتمے یا پکڑے جانے تک آپریشن جاری رہے گا۔
متعلقہ عنوان :
مزید اہم خبریں
-
یورپ: وباء اور بچوں میں موٹاپے کے درمیان تعلق پر رپورٹ
-
تارکین وطن کی کشتی الٹنے سے ہلاکتوں پر یو این اداروں کا اظہار افسوس
-
میانمار میں غلط معلومات اور نفرت انگیزی پر یو این کو تشویش
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.