الیکشن کمیشن نے شہید شجاع خانزادہ کی خالی نشست پی پی 16میں ضمنی انتخاب کا شیڈول جاری کر دیا
اسپیکر پنجاب اسمبلی نے ضمنی انتخابات کیلئے درخواست بھجوائی تھی،پولنگ کیلئے6اکتوبر کی تاریخ کا اعلان مسلم لیگ (ن) نے امیدوار لانے کے لئے مشاورت شروع کر دی ہے ،آئندہ چند روز میں حتمی اعلان کر دیا جائیگا‘ ذرائع
پیر 24 اگست 2015 21:49
اسلام آباد/لاہور( اُردو پوائنٹ اخبار تازہ ترین۔ 24 اگست۔2015ء ) الیکشن کمیشن نے کرنل (ر) شجاع خانزادہ کی شہادت سے خالی ہونے والی پنجاب اسمبلی کی نشست پی پی 16اٹک میں ضمنی انتخاب کا شیڈول جاری کردیا، پولنگ چھ اکتوبر کو ہوگی۔اسپیکر پنجاب اسمبلی کی طرف سے صوبائی وزیر داخلہ کرنل (ر) شجاع خانزادہ کی شہادت کے بعد خالی ہونے والی نشست پر پی پی 16پر ضمنی انتخابات کے لئے الیکشن کمیشن کو درخواست بھجوائی گئی تھی ۔
الیکشن کمیشن نے درخواست کا جائزہ لینے کے بعد ضمنی انتخابات کے لئے شیڈول جاری کر دیا ہے جس کے مطابق پی پی 16میں ضمنی انتخاب کے لیے امیدوار کاغذات نامزدگی آٹھ سے نو ستمبر کو جمع کروا سکتے ہیں۔ نامزدگی فارم کی جانچ پڑتال کا عمل دس سے گیارہ ستمبر کو مکمل کیا جائے گا۔(جاری ہے)
امیدوار کے کاغذات کی منظوری اور مسترد ہونے کے خلاف اپیلیں چودہ ستمبر کو دائر کی جا سکیں گی۔
اپیلوں پر فیصلے سولہ ستمبر کو کیے جائیں گے۔ سترہ ستمبر کو امیدوار دستبردار ہوسکیں گے اور اسی روز حتمی فہرست بھی آویزاں کی جائے گی۔ پولنگ چھ اکتوبر کو ہوگی۔ ذرائع کے مطابق مذکورہ حلقے میں ضمنی انتخابات کیلئے شیڈول کا اعلان ہونے کے بعد مسلم لیگ (ن) نے امیدوار لانے کے لئے مشاورت شروع کر دی ہے اور آئندہ چند روز میں حتمی اعلان کر دیا جائے گا ۔واضح رہے کہ شہید کرنل (ر) شجاع خانزادہ کے صاحبزادے نے میڈیا سے گفتگو میں کہا تھاکہ اگر قیادت نے والد کی خالی ہونے والی نشست پر الیکشن لڑنے کی پیشکش کی تو اپنے خاندان اورحلقے کی عوام سے مشاورت کے بعد فیصلہ کروں گا۔متعلقہ عنوان :
مزید اہم خبریں
-
چیئرمین پی سی بی کا پاکستان کرکٹ ٹیم کے نئے کوچز کے ناموں کا اعلان
-
روسی تیل کی تنصیبات پر یوکرینی حملے
-
پنجاب حکومت کی صحافیوں کیلئے نئی رہائشی سکیم کی خوشخبری‘ وزیراعلیٰ اعلان کریں گی
-
اسلامی ترقیاتی بینک نے پاکستان میں جاری منصوبوں کو جلد مکمل کرنے کی یقین دہانی کرادی
-
پاکستانی نوجوانوں میں غیر روایتی پیشے اپنانے کا بڑھتا ہوا رجحان
-
غیرملکی سرمایہ کاروں کے خدشات دور کرنے اور ون ونڈو آپریشنز کیلئے خصوصی سرمایہ کاری سہولت کونسل پوری طرح فعال ہے، وزیراعظم
-
موبائل فونز کی درآمدات میں 180 فیصد اضافہ
-
وزیرداخلہ کانادرا سنٹر شملہ پہاڑی کا دورہ ،شہریوں نے شکایات کے انبار لگا دئیے
-
لاہور میں مسلح افراد نے فائرنگ کرکے پولیس سب انسپکٹر کو قتل کردیا
-
تحریک انصاف مذاکرات نہیں ڈیل کی درخواستیں دے رہی ہے، وزیراطلاعات سندھ
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.