دنیا میں ریاستی ،افرادی اور گروہی دہشتگردی کے خاتمے کیلئے
تمام مذاہب کے ماننے والوں کو جدوجہد کرنا ہوگی‘ طاہر محمود اشرفی
جمعرات 22 اکتوبر 2015 22:07
لاہور (اُردو پوائنٹ اخبار تازہ ترین۔ 22 اکتوبر۔2015ء) دنیا میں ریاستی ،افرادی اور گروہی دہشتگردی کے خاتمے کیلئے تمام مذاہب کے ماننے والوں کو جدوجہد کرنا ہوگی۔جب تک عراق،شام،فلسطین اور کشمیر کے مسائل کا حل نہیں نکالیں گے انتہاپسندی اور دہشتگردی کا خاتمہ نہیں ہوسکتا۔امت مسلمہ کو متحد ہونے کی ضرورت ہے۔ یہ بات پاکستان علماء کونسل کے مرکزی چیئرمین اور وفاق المساجد پاکستان (رجسٹرڈ) کے صدر حافظ محمد طاہر محمود اشرفی نے واشنگٹن کے آدم اسلامک سینٹر میں خطاب کرتے ہوئے کہی۔
انہوں نے کہا کہ دنیا میں تمام آسمانی کتب اور مذاہب کے احترام کے بغیر مکالمے کی راہ ہموار نہیں ہوسکتی ۔بین المذاہب مکالمہ اسی صورت میں طاقت پکڑے گا جب تمام آسمانی مذاہب اورکتابوں کا احترام کیا جائے گا۔(جاری ہے)
انہوں نے کہا کہ رسول اکرم ﷺ خاتم النبین ہیں اورآپ پر اتاری جانے والی کتاب اور تعلیمات کا احترام تمام آسمانی مذاہب کی کتب میں موجود ہے۔
انہوں نے کہا کہ خوشی کی بات یہ ہے کہ مسلم مسیحٰ اور دیگر مذاہب نے اس بات کا احساس کیا ہے کہ ہمیں مل جل کر دنیا کو امن کا گہوارہ بنانا ہے لیکن دنیا میں امن کا قیام انصاف کی فراہمی اور مذاہب کے مقدسات کے احترام سے ہی ممکن ہے۔ انہوں نے کہا کہ ضرورت اس امر کی ہے کہ عالم اسلام کے مسائل کے حل کیلئے سنجیدہ کوششیں کی جائیں ۔حافظ محمد طاہر محمود اشرفی نے خطاب کے بعد ذرائع ابلاغ کے نمائندوں سے گفتگو کرتے ہوئے کہا کہ وزیر اعظم میاں نواز شریف پاکستانی قوم کی طرف سے باراک اوباما اور امریکی انتظامیہ کو یہ بتائیں گے کہ پاکستان دنیا میں امن چاہتا ہے اور اسی لئے ہم نے طالبان اور افغان حکومت کو مذاکرات کی ٹیبل پر بٹھایا تھا لیکن دکھ کی بات ہے کہ افغان خفیہ اداروں نے ہمارے پڑوسی ممالک کے ساتھ مل کر مذاکرات کو سبوتاژ کیا ۔پاکستان کا افغان طالبان پر کوئی اثر نہیں ہے ہم صرف ایک سہولت کا ر کا کردار اداکرسکتے ہیں مذاکرات افغان حکومت اور طالبان کو کرنے ہیں اور افغانستان کا مسئلہ طاقت سے نہیں مذاکرات سے ہی حل ہوسکتا ہے۔انہوں نے کہا کہ بعض قوتیں مسلمانوں کے مقدسات اور مسلم ممالک کے امن سے کھیلنے کی کوشش کررہی ہیں اور ارض حرمین حرمین الشریفین پر بھی حملے کی دھمکیاں بھی دی جارہی ہیں ۔پاکستان ،سعودی عرب اور ترکی کے امن سے کھیلنے کی کوشش کررہے ہیں ایسے لوگوں کا مقابلہ ہمیں متحد ہوکر کرنا ہوگا ۔ایک سوال کے جواب میں انہوں نے کہا کہ سعودی عرب نے حجاج کرام کیلئے ہمیشہ بھرپور خدمات سرانجام دی ہیں ۔حرمین الشریفین کے انتظامات کیلئے ایک عالمی کمیٹی بنانے کی بات مضحکہ خیز ہے ۔اس موقع پر امام ماجد،ساؤتھ افریقہ کے ایمبی سیڈر رسول اور پاسٹر اسکاٹ نے بھی خطاب کیا۔متعلقہ عنوان :
مزید قومی خبریں
-
وفاقی وزیر منصوبہ بندی کا پی ایس ڈی پی این ایچ اے کے تحت جاری اور نئے منصوبوں کا جائزہ اجلاس
-
اسلحے کی نمائش کرنے والوں کیخلاف سخت کارروائی ہوگی، شرجیل میمن
-
تمام صوبائی منصوبوں کو پچاس پچاس فیصد شیئرینگ فارمولے کے تحت مکمل کیا جائے گا،وفاقی وزیر پروفیسر احسن اقبال
-
دریائوں اور آبی ذخیروں میں پانی کی صورتحال
-
اینٹی ہیومن ٹریفکنگ سرکل کراچی کی کارروائی ، جعلی اسٹڈی ویزے دینے والااشتہاری گرفتار
-
سرکاری افسر کو ٹریلر سے کچل کر ہلاک کرنے والا ڈرائیور گرفتار
-
سندھ ایپکس کمیٹی اجلاس،اسٹریٹ کرائم اور اغوا برائے تاوان کے خلاف جامع حکمت عملی بنائی ہے،وزیراعلیٰ سندھ
-
پولیس نے موٹرسائیکل چوری کی وارداتوں میں ملوث دو ملزمان کو گرفتارکرلیا، 11 ،مسروقہ موٹرسائیکلیں برآمد
-
بڑی گاڑیوں میں اسلحے کی نمائش کرنے والوں کیخلاف کریک ڈائون کا فیصلہ کیا ہے، شرجیل میمن
-
سی ٹی سکین مشین کی خرابی سے متعلق خبریں من گھڑت ہیں، مریض بے بنیاد خبروں پر یقین نہ رکھیں،ایوب ٹیچنگ ہسپتال
-
مریم نواز کیخلاف پولیس یونیفارم پہننے کے کیس کی سماعت پھر ملتوی
-
9 مئی کیس،فواد چودھری کی ویڈیو لنک کے ذریعے حاضری کی درخواست پر سماعت ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.