اوپن یونیورسٹی نے میٹرک سے پی ایچ ڈی پروگرامز کے طلبہ و طالبات کو درسی کتابوں کی ترسیل کا کام شروع کردیا
جمعرات 28 اپریل 2016 16:55
اسلام آباد ۔ 28 اپریل (اُردو پوائنٹ اخبارتازہ ترین - اے پی پی۔28 اپریل۔2016ء) علامہ اقبال اوپن یونیورسٹی نے میٹرک سے پی ایچ ڈی پروگرامز کے طلبہ و طالبات کو درسی کتابوں کی ترسیل کا کام شروع کردیا ہے۔ اب تک پی ٹی سی ‘ ایف اے اور بی ایڈ پروگرامز کے2۔لاکھ 70۔ہزار سے زائد طلبہ کو کتابیں ارسال کی جاچکی ہیں اور اس وقت میٹرک پروگرام کے 10۔ہزار طلبہ کو کتابیں ارسال کی جارہی ہیں جبکہ اگلے ہفتے سے پوسٹ گریجویٹ پروگرامز میں داخل طلبہ و طالبات کو کتابیں ارسال کرنے کا کام شروع کردیا جائے گا۔
سمسٹر بہار 2016ء میں ریکارڈ داخلے ہوئے ہیں ۔ یونیورسٹی کے میلنگ سیکشن نے وائس چانسلر کے دئیے گئے ٹائم فریم کے مطابق کام کی تکمیل کو یقینی بنانے کے لئے پاکستان پوسٹ آفس کے تعاون سے ترسیل کتب کے کام کو تیز کردیا ہے اور اس سلسلے میں پاکستان پوسٹ آفس کے ساتھ ایک معاہدہ بھی ہوچکا ہے۔(جاری ہے)
معاہدے پر عمل کرتے ہوئے پاکستان پوسٹ آفس نے یونیورسٹی کے میلنگ سیکشن میں اپنا دفتر قائم کردیا ہے جس میں پوسٹ آفس کے 24۔
ملازمین تعینات ہیں جو ہر روز شام سات بجے تک خدمات انجام دیتے ہیں۔ یونیورسٹی کے میلنگ آفس کے ملازمین روزنانہ کی بنیاد پر ہزاروں طلبہ کے لئے کتابوں کے پیکٹ تیار کرتے ہیں جبکہ پوسٹ آفس کے ملازمین ان پیکٹوں کی چھان بین کرکے ان کو ضلع وار ترتیب دے کر 36۔گھنٹوں کے اندر اندر ڈیلیوری کو یقینی بناتے ہیں۔پروفیسر ڈاکٹر شاہد صدیقی نے شعبہ ترسیل کتب میں کام کرنے والے کارکنوں کو ہدایت کی ہے کہ وہ پوری محنت ‘ ایمانداری اور توجہ سے ترسیل کتب کے عمل کو کم از کم وقت میں مکمل کریں ۔تاکہ طلبہ و طالبات کو پڑھنے اور سمجھنے کے لئے زیادہ سے زیادہ وقت مل جائے۔ میلنگ افسر نے کہا کہ وائس چانسلر ‘ پروفیسر ڈاکٹر شاہد صدیقی کے احکامات کے مطابق میلنگ سیکشن سے کتابیں ارسال ہوتے ہی طلبہ کو فوری طور پر ایس ایم ایس بھی کیا جاتا ہے کہ آپ کی کتابیں ارسال کردی گئی ہیں ‘ ساتھ ہی ساتھ ارسال شدہ کتابوں کی تفصیلات کو یونیورسٹی کی ویب سائٹ پر بھی فراہم کردئیے جاتے ہیں۔متعلقہ عنوان :
مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.