فاسٹ باؤلر عمر گل دورہ انگلینڈ میں منتخب نہ کر نے پر پی سی بی پر برس پڑے
اتوار 26 جون 2016 17:41
کراچی(اُردو پوائنٹ اخبارتازہ ترین - آئی این پی۔26 جون ۔2016ء) پاکستانی فاسٹ باؤلر عمر گل نے آئندہ ماہ سے شروع ہونے والے دورہ انگلینڈ کیلئے نظر انداز کیے جانے پر غم و غصے کا اظہار کر تے ہوئے کہا ہے کہ میں یہ نہیں کہتا کہ انہیں مجھے کھلانا ہی چاہیے لیکن میرے ساتھ کم از کم دیگر کھلاڑیوں جیسا برتا تو کریں۔ عام طور پر میری فطرت نہیں کہ جو کچھ سوچوں وہ کہہ دوں لیکن جب لوگ مجھے ایک فارغ بالر کی حیثیت سے ریٹ کرنا شروع کردیں تو پھر تکلیف ہوتی ہے۔
فاسٹ بالر نے کہا کہ میں مانتا ہوں کہ مجھے اپنے طویل کیریئر کے دوران کئی مرتبہ انجریز کا سامنا کرنا پڑا لیکن یہ بتائیں کہ کون سا باؤلر ہے جو انجرڈ نہیں ہوتا، یہ سب تو کرکٹ کا حصہ ہے۔تاہم کرکٹ بورڈ میں چند لوگ نتائج اخذ کر کے بے وقوف بناتے ہیں کہ فلاں فلاں فرد کا کیریئر عالمی سطح پر ختم ہو چکا ہے۔(جاری ہے)
اور جو چیز سب سے زیادہ غصہ دلاتی ہے وہ یہ کہ جب آپ کا ان سے سامنا ہو تو وہ ایسے ظاہر کرتے ہیں جیسے کچھ ہوا ہی نہ ہو اور زیادہ سے زیادہ حمایتی بننے کی کوشش کرتے ہیں لیکن وہی لوگ پیٹھ پیچھے مختلف رائے رکھتے ہیں۔
عمر اگل نے انکشاف کیا کہ انہیں یہ جان کر شدید دھچکا لگا کہ 2015 ورلڈ کپ کیلئے ٹیم میں انتخاب کیلئے فٹنس کا معیار 60 پوائنٹس پر مقرر کیا گیا تھا لیکن اس موقع پر 62 پوائنٹس حاصل کرنے کے باوجود مجھے غور کرنے کے قابل بھی نہیں سمجھا گیا۔ پی سی بی میں کسی کو تو اتنا سچا ہونا چاہیے کہ وہ اس دہرے معیار کی پالیسی کو بیان کر سکے۔انہوں نے پھر شکوہ کیا کہ آسٹریلیا اور نیوزی لینڈ میں ہونے والے عالمی ایونٹ کیلئے دستیاب سب سے زیادہ تجربہ کار بالر ہونے کی حیثیت سے انہیں ٹیم میں شامل ہونا چاہیے تھا کیونکہ وہ ڈومیسٹ کرکٹ میں بھی اچھی کارکردگی کا مظاہرہ کر رہے تھے۔اب مجھے اندازہ ہوا کہ بعض اوقات ٹیم میں شمولیت کیلئے محض فٹ ہونا ہی کافی نہیں ہوتا کیونکہ وہاں اعتماد نہیں ہوتا۔ سب سے سینئر فاسٹ بالر کی حیثیت سے مجھے جس طرح سائیڈ لائن کیا گیا اس کی کوئی وجہ نہیں تھی۔ وہ مجھ پر بھروسہ کرنے کیلئے تیار نہ تھے۔ عمر گل نے بتایا کہ گزشتہ سیزن میں انہوں نے دوبارہ سے اپنا ردھم حاصل کیا اور پاکستانی ٹیم میں دوبارہ جگہ بنانے کیلئے بہت فٹ محسوس کر رہے تھے لیکن سلیکٹرز نے پھر مجھے نظرانداز کیا۔کراچی میں مختلف رمضان ٹورنامنٹس کھیلنے میں مصروف عمر گل نے بتایا کہ وہ اب اپنی بالر سے اسی طرح لطف اندوز ہو رہے ہیں جس طرح اپنے کیریئر کی ابتدا میں ہوا کرتے تھے۔انہوں نے بتایا کہ وہ گزشتہ رات نیا ناظم آباد مقابلے میں عمر ایسوسی ایٹس کیلئے کھیلے اور یہاں ٹورنامنٹس میں مسابقتی فضا دیکھ کر خاصے لطف اندوز ہوئے اور بالنگ میں بہت مزہ آیا۔متعلقہ عنوان :
مزید کھیلوں کی خبریں
-
ٹی ٹوئنٹی ورلڈکپ کے وارم اپ میچز کے شیڈول جاری
-
شاہین شاہ آفریدی نے انسٹا گرام پر اپنی سکائی بلیو شرٹ میں تصویر لگا دی
-
ویرات کوہلی نے اپنے ریٹائرمنٹ کے منصوبوں کے بارے میں بتا دیا
-
یووینٹس کی فٹ بال ٹیم نے اطالوی کپ کا ٹائٹل جیت لیا،اٹلانٹا کو سخت مقابلے کے بعد 0-1 گول سے شکست
-
اعدادو شمار کے لحاظ سے پاکستان ٹی ٹونٹی کرکٹ کا خراب ترین بیٹنگ یونٹ قرار
-
’پورا سیزن کھیلو ورنہ نہ آؤ‘، عرفان پٹھان کا انگلش کرکٹرز کیخلاف سخت زبان کا استعمال
-
اٹالین اوپن ٹینس ٹورنامنٹ ،ویمنز سنگلز سیمی فائنل لائن اپ مکمل ہوگئی
-
ٹی ٹونٹی ورلڈ کپ 2024ء: پاکستانی سکواڈ کا اعلان انگلینڈ کیخلاف پہلے ٹی ٹونٹی کے بعد ہوگا
-
پاک بھارت ٹاکرا ڈراپ اِن پچز پر کیوں؟ ہربھجن سنگھ نے تنقید کے نشتر چلا دئیے
-
گیری کرسٹن نے بابر اعظم کے لیے اپنا مخصوص بیٹنگ پلان بتا دیا
-
ٹی ٹونٹی ورلڈ کپ 2024ء: مصباح الحق نے 'تجربہ کار' محمد عامر کے انتخاب کی حمایت کی
-
انگلش پریمیئر لیگ ، چیلسی اور مانچسٹریونائیٹڈ نے اپنے میچز جیت لئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.