یورو کپ 2016 کی سیمی فائنل لائن اپ مکمل، پہلا سیمی فائنل پرتگال اور ویلز کے مابین پرسوں کھیلا جائے گا

پیر 4 جولائی 2016 12:06

فرانس ۔ 4 جولائی (اُردو پوائنٹ اخبارتازہ ترین - اے پی پی۔04 جولائی ۔2016ء) یورو کپ 2016 کی سیمی فائنل لائن اپ مکمل ہوگئی، میزبان فرانس، ورلڈ چیمپئن جرمنی، پرتگال اور ویلز نے فائنل فور میں جگہ حاصل کر لی ہے۔

(جاری ہے)

تفصیلات کے مطابق یورو فٹ بال ٹورنامنٹ کے کانٹے دار مقابلے فرانس میں جاری ہیں، کوارٹر فائنل مرحلہ مکمل ہونے کے بعد فرانس، جرمنی، پرتگال اور ویلز نے سیمی فائنل کیلئے کوالیفائی کر لیا ہے، میگا ایونٹ کا پہلا سیمی فائنل بدھ کو پرتگال اور ویلز کی ٹیموں کے مابین سٹیڈ ڈی لیون میں کھیلا جائے گا، ویلز نے پہلی بار کسی بڑے ٹورنامنٹ کے سیمی فائنل تک رسائی حاصل کی ہے اس لحاظ سے پرتگال کو فیورٹ قرار دیا گیا ہے۔

ٹورنامنٹ کا دوسرا سیمی فائنل دو بڑی ٹیموں جرمنی اور فرانس کے مابین 7 جولائی کو مارسیلی میں ہوگا، جرمنی کی ٹیم عالمی چیمپئن ہے جبکہ فرنچ ٹیم کا شمار بھی دنیا کی مضبوط ٹیموں میں ہوتا ہے، دونوں ٹیموں کے مابین دلچسپ مقابلے کی توقع ہے۔

Facebook Twitter Google + Share on Whatsapp

یورو کپ 2016 کی سیمی فائنل لائن اپ مکمل، پہلا سیمی فائنل پرتگال اور ویلز کے مابین پرسوں کھیلا جائے گا

متعلقہ عنوان :

مزید کھیلوں کی خبریں