عمران خان بغیر سوچے سمجھے باتیں کرنے کے عادی ہیں‘ وہ اسلام آباد بند نہیں کر سکتے٬ ملک میں جمہوریت مستحکم ہو رہی ہے٬ عالمی ادارے معیشت کے استحکام کی بات کر رہے ہیں٬ اداروں کی آزادی سے جمہوریت مضبوط ہوتی ہے٬ پاکستان میں ہونے والی ترقی ہمارے پڑوسیوں کو اچھی نہیں لگتی‘ اس عمل کو روکنے کے لئے وہ یہاں پر موجود اپنے آلہ کاروں کو استعمال کرتے ہیں
مسلم لیگ (ن) کے مرکزی سیکریٹری اطلاعات سینیٹر مشاہد الله خان کی اے پی پی سے گفتگو
پیر 10 اکتوبر 2016 14:50
(جاری ہے)
ماضی کا جو دھرنا تھا اس میں بھی وہ صرف دو گھنٹے کے لئے آتے تھے اور باقی وہاں جو کچھ ہوتا تھا‘ آپ سب اس کے گواہ ہیں۔
انہوں نے کہا کہ اسلام آباد بند کرنے کے لئے 24 گھنٹے پہرا دینا پڑتا ہے جس کی اہلیت ان کے پاس نہیں ہے۔ ایک سوال کے جواب میں انہوں نے کہا کہ ملک میں جمہوریت دن بدن مستحکم ہو رہی ہے‘ ادارے انسٹیٹیوشنلائز ہو رہے ہیں۔ آج سپریم کورٹ اور ہائی کورٹ کو کوئی ڈائریکشن نہیں دے سکتا٬ وہ آزادی سے اپنا کام کر رہی ہیں٬ اداروں کی آزادی سے جمہوریت مضبوط ہوتی ہے اور اسی طریقے سے پارلیمنٹ اپنا کام کر رہی ہے٬ تمام مسائل پارلیمنٹ میں زیر بحث آتے ہیں۔ کشمیر کے حوالے سے پارلیمنٹ کے مشترکہ اجلاس میں منظور ہونے والی مشترکہ قرارداد کی مثال سب کے سامنے ہے۔ جمہوریت اپنا سفر تیزی سے طے کر رہی ہے مگر کچھ لوگوں کو یہ سفر اچھا نہیں لگتا۔ انہوں نے کہا کہ پاکستان کی ترقی کے حوالے سے بین الاقوامی ادارے کہہ رہے ہیں کہ پاکستان کی معیشت مستحکم ہو رہی ہے۔ یہ بھی ہمارے پڑوسیوں کو اچھا نہیں لگتا٬ اس کے لئے وہ یہاں پر اپنے اپنے آلہ کاروں کو استعمال کرتے ہیں۔ عمران خان سے یہ بات پوچھنی چاہئے کہ سوا تین سالوں میں آپ نے کون سا اچھا کام کیا ہے٬ سوائے تباہی کے ان کے ذہن میں کوئی بات نہیں آتی٬ انہیں چاہئے تھا کہ وہ اپنی پارٹی اور اپنے صوبے کو مثال بنا کر پیش کرتے اور صوبہ خیبر پختونخوا کے اداروں کو انسٹیٹیوشنلائز کر کے اداروں کی کرپشن دور کرتے۔ انہوں نے کہا کہ انہیں صوبہ خیبر پختونخوا کی صوبائی حکومت کو ایک مثالی حکومت بنا کر پیش کرنا چاہئے تھا مگر انہوں نے کچھ نہیں کیا۔ وہ صوبے کو پتھر کے دور میں لے گئے ہیں اور انہوں نے پارٹی کے اندر بھی کوئی اصلاحات متعارف نہیں کرائیں۔ ان کا حال یہ ہے کہ کسی بھی چیز پر کنٹرول نہیں ہے۔ انہوں نے کہا کہ عمران خان کا حال یہ ہے کہ ’’پلے نہیں دھیلا ‘ تے کردی میلہ میلہ‘‘۔متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.