جماعت اسلامی کا اضافی ٹی او آرز کیلئے سپریم کورٹ میں متفرق درخواست دائر کرنے کا فیصلہ
تحت عدالت عظمیٰ سے استدعا کی جائے گی کہ احتساب بلاتفریق تمام فریقوں کے ان افراد کا کیا جائے جنہوں نے قرضے معاف کرائے ہیں یا پانامہ لیکس میں اُن کا نام آیا ہے٬ یا وہ اندرون و بیرون ملک کرپشن اوربدعنوانیکی سرگرمیاں اور اثاثہ جات کو چھپانے میں ملوث ہیں٬ ان کو بھی ٹی او آرز میں شامل کیا جائے٬مجوزہ درخواست سینیٹر سراج الحق اور پانامہ لیکس کے حوالے سے وکیل اسد منظور بٹ کے درمیان ملاقات٬ سپریم کورٹ میں زیر سماعت پانامہ پیپرز کیس بارے تفصیلی گفتگو
جمعہ 4 نومبر 2016 22:09
لاہور(اُردو پوائنٹ اخبارتازہ ترین - آئی این پی۔ 04 نومبر2016ء) جماعت اسلامی نے سپریم کورٹ میں اضافی ٹی او آرز کیلئے ایک متفرق درخواست دائر کرنے کا فیصلہ کیاہے جس کے تحت عدالت عظمیٰ سے استدعا کی جائے گی کہ احتساب بلاتفریق تمام فریقوں کے ان افراد کا کیا جائے جنہوں نے قرضے معاف کرائے ہیں یا پانامہ لیکس میں اُن کا نام آیا ہے٬ یا وہ اندرون و بیرون ملک کرپشن اوربدعنوانیکی سرگرمیاں اور اثاثہ جات کو چھپانے میں ملوث ہیں٬ ان کو بھی ٹی او آرز میں شامل کیا جائے۔
جمعہ کو یہاںامیر جماعتِ اسلامی پاکستان سینیٹر سراج الحق کے پانامہ لیکس کے حوالے سے وکیل محمد اسد منظور بٹ ایڈووکیٹ سپریم کورٹ نے سینیٹر سراج الحق سے اسلام آباد میں ملاقات کی اور سپریم کورٹ میں زیر سماعت پانامہ پیپرز کیس کے حوالے سے تفصیلی گفتگو کی۔(جاری ہے)
ملاقات میں فیصلہ کیا گیا کہ سپریم کورٹ میں ایک متفرق درخواست دائر کی جائے جس میں اضافی ٹی او آرز جمع کرائے جائیں گے٬ جس کے تحت سپریم کورٹ سے استدعا کی جائے گی کہ احتساب بلاتفریق تمام فریقوں کے ان افراد کا کیا جائے جنہوں نے قرضے معاف کرائے ہیں یا پانامہ لیکس میں اُن کا نام آیا ہے٬ یا وہ اندرون و بیرون ملک کرپشن اور کرپٹ پریکٹسز اور اثاثہ جات کو چھپانے میں ملوث ہیں٬ ان کو بھی ٹی او آرز میں شامل کیا جائے۔
دوران ملاقات عدالت عظمیٰ سے اس امید کا اظہار بھی کیا گیا کہ وہ ایسا فیصلہ کرے گی جو اس ملک میں کرپشن کے خاتمہ کے حوالے سے ایک مثال بنے اور اس کی بنیاد پر کرپشن کو ملک میں کبھی پنپنے کا موقع نہ مل سکے۔ نیز سپریم کورٹ سے یہ بھی استدعا کی جائے گی کہ ایک ایسا بااختیار٬ خودمختار اور طاقت ور کمیشن تشکیل دیا جائے٬ جس کو ملک میں کرپشن کے خاتمے کے حوالے سے بلاامتیاز کارروائی کے وسیع اختیارات حاصل ہوں۔ جہاں حکمرانوں اور دیگر بڑے بڑے کرپٹ افراد کی کرپشن کے حوالے سے کوئی بھی شہری اپنی درخواست دائر کرسکے۔ سینیٹر سراج الحق نے اپنے وکیل محمد اسد منظور بٹ سے گفتگو کرتے ہوئے کہا کہ ہم کسی بھی قسم کی جانب داری سے کام نہیں لیں گے۔ جنہوں نے عوام کے حقوق پر ڈاکہ ڈالا ہے اور قوم کے ہر بچے کو ایک لاکھ سے زائد کا مقروض کیا ہے٬ اس کے خلاف ملک میں موجود تمام فورمز پر آواز اٹھائیں گے۔ بیرونی ممالک میں ناجائز اور غیر قانونی طریقے سے رکھی گئی تمام رقوم کی چھان بین کی جائے گی٬ چاہے ان کا تعلق کسی بھی فرد یا جماعت سے ہو۔پانامہ کیس میں جماعتِ اسلامی کی طرف سے اس معاملے میں سپریم کورٹ کی بھرپور معاونت کی جائے گی۔اس موقع پر جماعتِ اسلامی کی قانونی و مرکزی ٹیم کے افراد سیف اللہ گوندل ایڈووکیٹ اور عطاء الرحمن ایڈووکیٹ بھی موجود تھے۔متعلقہ عنوان :
مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.