رینجرز کا گولیمار میں لیاری گینگ وار کے مفرور کمانڈر ماجد سخی داد کے گھر پر چھاپا

محمد علی جمعہ 23 دسمبر 2016 22:23

کراچی (اُردو پوائنٹ اخبارتازہ ترین۔ 22 دسمبر2016ء) رینجرز کا گولیمار میں لیاری گینگ وار کے مفرور کمانڈر ماجد سخی داد کے گھر پر چھاپا مارا گیا ہے۔ تفصیلات کے مطابق سندھ رینجرز کی جانب سے خفیہ اطلاعات موصول ہونے پر کراچی کے علاقے گولیمار میں کاروائی کی گئی ہے۔

(جاری ہے)

علاقے میں واقع لیاری گینگ وار کے مفرور کمانڈر ماجد سخی داد کے گھر پر چھاپا مارا گیا ہے۔ گھر میں موجود 3 افراد رینجرز کی موجودگی کی اطلاع پر فرار ہوگئے۔ چھاپے کے دوران 3 گرینیڈ، 2 کلاشنکوف،1 ماؤزر،2 پستول اور چرس برآمد کی گئی۔ جبکہ گھر میں چھپائے گئے 1 کروڑ 71 لاکھ 5 ہزار روپے بھی قبضے میں لے لیے گئے ہیں۔