بہاول پور ،علامہ اقبال اوپن یونیورسٹی کے زیر اہتمام بہار 2017کے داخلوں کی آگاہی کے سلسلے میں اوپن ڈے کی تقریب کا انعقاد
منگل 7 مارچ 2017 22:09
(جاری ہے)
حاضرین کو بتایا گیا کہ اب یونیورسٹی و یڈیو کانفرنس سے اپنے پوسٹ گریجویٹ سٹوڈنٹس کو ورکشاپ کی سہولت دے گی ، ریجنل کمپس کی لائبریری یونیورسٹی کی سنٹرل لائبریری سے منسلک کر دی گئی ہے ڈیجٹل لائبریری سے اب سنٹرل لائبریری کی تمام کتب اور دیگر تعلیمی موا بھی بہاولپور کے طلبہ کی دسترس میں ہوں گیں۔
اس کے علاوہ مختلف ذرائع سے اس لائبریری میں طلبہ کے لیے مختلف حوالہ جاتی کتب اور آڈیو ویڈیو سہولیات فراہم کی جائیں گیں۔ تاکہ ہمارے وہ طلبہ جو تعلیمی ریسرچ سے وابستہ ہیں ان کو ان کے گھر میں سہولیات دی جائیں۔بعد ازں معزز مہمانان گرامی نے بہار 2017 کے داخلوں کے بارے میں اوپن ڈے کے حوالے سے منعقدہ تقریب میں شرکت کی ۔ تقریب میں طلبہ اور نئے آنے والے لوگوں کی ایک کثیر تعداد موجود تھی۔اپنے استقبالیہ خطبے میں ریجنل ڈائریکٹرخواجہ صابر حسین نے معزز مہمانوں کو بتایا کہ ا کہ علامہ اقبال اوپن یونیورسٹی کی جانب سے اس طرح کی تقاریب کا انعقاد کروانا علاقے کی تعلیمی ترقی میں عمل انگیز کا کام دیتاہے۔ریجنل ڈائریکٹر خواجہ صابر حسین نے اپنے خطاب میں کہا کہ بہاولپور ایک علم دوست شہر ہے، اور اس شہر کی اپنی ثقافتی و تعلیمی روایتیں ہیں بہاولپور کمپس سے ضلع بہاولپور، بہاولنگر اور لودہراں کے 30000 سے زیادہ طلبہ کو گھر بیٹھے تعلیم دی جارہی ہے۔جن میں زیادہ تر تعداد خواتین کی ہے۔ریجن کی مختلف تحصلیوں میں 20 مطالعاتی سنٹرکام کر رہے ہیں 1200سے زیادہ جزوقتی اساتذہ علامہ اقبال اوپن یونیورسٹی سے وابستہ ہیں، طلبہ کے لیی22 امتحانی سنٹر بنائے گئے ہیں۔خواجہ صابر حسین نے بتایا کہ یونیورسٹی میں نئے آنے والے سمسٹر بہار 2017 میں لاکھوں طلبہ داخلہ لے رہے ہیں۔ یونیورسٹی ایم ایڈ پروگرام ایک سال میںمکمل کروا رہی ہے۔نیز طلبہ کی سہولت کے لیے یونیورسٹی کے داخلہ فارم کی سیل کے لیے اکیس سے زیادہ پوائنٹ بنائے گئے ہیں۔ ریجن کی ہر تحصیل میں علامہ اقبال اوپن یونیورسٹی کے پراسپکٹس دستیاب ہیں اور نئے آنے والے سمسٹر میں پوسٹ گریجویٹ ورکشاپس کا تحصیل کی سطح پر انعقاد کیا جائے گا۔ تاکہ یونیورسٹی کا مقصد "تعلیم آپ کی دہلیز پر " کو عملی جامہ پہنایا جا سکے۔۔ ریجنل کمپس بہاولپور نے 2017 کے داخلوں کی تشہیر کے لیے اپنے طور پر ضلع بہاولنگر، لودھراں میں بھی مہم شروع کی ہے، اس کے لیے ریڈیو پاکستان بہاولپور، FM ریڈیو اور مختلف تعلیمی اداروں کا تعاون شامل حال ہے، شہروں میں مختلف قسم کے بینرز اور پینافلیکس آویزاں کیے گئے ہیں ۔ وفد میں شریک معزز مہمانوں کو تشہیری مہم کے لیے ریجنل کمپس کی طرف سے ڈیزائن کیے گئے مختلف پینافلیکس اور تعارفی بروشر دکھائے گئے۔جسے معزز مہمانان گرامی نے سراہا۔تقریب میں شرکت کرنے والے مہمانوں کومزید بتایاگیا کہ کہ علامہ اقبال اوپن یونیورسٹی ایک وسیع فورم ہے۔ ملک کے طول و عرض میں یونیورسٹی سے لاکھوں طلبہ علم حاصل کر رہے ہیں جن میں زیادہ تر تعداد خواتین کی ہے۔ علامہ اقبال اوپن یونیورسٹی کی سرحدیں پاکستان کی سرحدوں سے ملتی ہیں یہ یونیورسٹی قومی وحدت کی علامت ہے اور اس کی تعلیمی سہولتیں ملک گیر ہیں، ہم اپنی منزل کی جانب گامزن ہیں تاکہ ملک میں یکساں ترقی کا ہمار ا خوا ب پورا ہوسکے۔اب یونیورسٹی کے تمام کمپس انٹرنیٹ کے ذریعے سے مین کمپس سے رابطے میں ہوں گے۔ اور تمام طلبہ کے ان کی دہلیز پرتعلیم دینے کاخواب پورا ہوگا۔جاوید اقبال رانا چیف لائبریرین سنٹرل لائبریری بہاولپور نے اپنے خصوصی خطاب میں کہا کہ علامہ اقبا ل اوپن یونیورسٹی کے طلبہ کے لیے سنٹرل لائبریری کے دروازے کھلے ہیں عنقریب لائبریری میںیونیورسٹی کے لیے ایک گوشہ مختص کیا جائے گا۔پروفیسر ڈاکٹر نواز کاوش نے کہا کہ علامہ اقبال اوپن یونیورسٹی نے وطن عزیز میں نصاب سازی میں کلیدی کردار ادا کیا ہے ، یونیورسٹی کا نصاب نہ صرف اس کے اپنے طلبہ کے لیے بلکہ علم کے رستے کے ہر مسافر کے لیے اہمیت کا حامل ہے، انہوں نے تحقیق کرنے والوں کے لیے یونیورسٹی کی کتب کو اہم قرار دیا۔شعبہ ابلاغیات ، صحافت اسلامیہ یونیورسٹی بہاولپور سے ڈاکٹر رانا شہزاد صاحب نے اپنے خطاب میں کہا کہ علامہ اقبال اوپن یونیورسٹی وطن کے طول و عرض میں تعلیم کے شعبے میں گراں قدر خدمات سر انجام دے رہی ہے۔ خطہ چولستان کے لوگ جن کے معاشی وسائل نہیں ، تعلیم حاصل کرنے کے لیے یہ یونیورسٹی ان کے لیے بہترین فورم ہے۔ تقریب سے احمد شاہ، فرزانہ اسلم ،ڈاکٹر پروفیسر زاوار حسین شاہ گورنمنٹ ایس ای کالج بہاولپور، شوکت فرید، ملک محمد اسلم محمد ارشد اور ظفر خاکوانی نے بھی خطاب کیا۔متعلقہ عنوان :
مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.