پی ٹی آ ئی سیاسی جماعتوں کے کچرے کا کوڑا دان بن چکی ہے ‘خواجہ سعد رفیق

لاہور (اُردو پوائنٹ اخبارتازہ ترین - این این آئی۔ 05 مئی2017ء) وفاقی وزیر ریلوے خواجہ سعد رفیق نے کہاکہ پی ٹی آ ئی کے جلسے سیاسی شعبدہ بازوں کی عمرانی سرکس کی حیثیت رکھتے ہیں،عمرانی ٹولہ جھوٹ پکڑے جانے پر شرمساری کی بجائے ڈھٹائی سے جھوٹ بولتا ہے ،پی ٹی آ ئی سیاسی جماعتوں کے کچرے کا کوڑا دان بن چکی ہے ،مسلم لیگ (ن ) کے پی کے اور سندھ کے مظلوم لوگوں کو نااھل حکمرانوں سے نجات دلائے گی۔

(جاری ہے)

تحریک انصا ف کے نوشہرہ میںہونے والے جلسہ پر اپنے ردعمل کااظہارکرتے ہوئے خواجہ سعد رفیق نے کہاکہ اداروں کے خلاف الزام تراشی اور بد زبانی کر کے انھیں دبا ئومیں لانا پی ٹی آ کا طرہ امتیاز ہے ۔ انہوںنے کہاکہ عمران صاحب دوسروں پر جھوٹے اور غلیظ الزامات لگانے والاقدرت کی سزا سے نہیں بچ سکتا۔ بہتان تراشی اور نفرت کی دلدل تیار کرنے والی پی ٹی آ ئی بہت جلد خوداسی میں گرنے والی ہے ۔ خواجہ سعد رفیق نے کہاکہ کے پی کے آدم خور چوہوں، پولیو وائرس ، بد دیانت ٹھیکیداروں اور شعبدہ باز حکمرانوں کے نرغے میں ہے ۔ کے پی کے اور سندھ کے مظلوم لوگوں کو نااہل حکمرانوں سے نجات دلائیں گے۔