ساہیوال ڈاکوئوں نے پٹرول پمپ منیجر اور بیوپاری کو بیہوش کرکے چار لاکھ آٹھ ہزار روپے کی نقدی لوٹ لی، دو ڈاکو گرفتار

ہفتہ 29 جولائی 2017 21:41

ساہیوال (اُردو پوائنٹ اخبارتازہ ترین - آن لائن۔ 29 جولائی2017ء) یہاں نواح میںڈاکوئوں نے پٹرول پمپ کے منیجر اور ایک بیوپاری سے چار لاکھ آٹھ ہزار روپے کی نقدی لوٹ لی ، پولیس نے ایک بیوپاری کو لوٹنے والے دو ڈاکوئوں کو ایک ہفتے کے بعد گرفتار۔ ریلوے پھاٹک پل بازار ساہیوال مین گیٹ پر دو ڈاکوئوںنے ایک پٹرول پمپ کے منیجر عرفان سے دو لاکھ اٹھاون ہزار کی نقدی پستول دکھا کر لوٹ لی ، منیجر عرفان بنک سے نقدی لیکر فرید ٹائون ایم بلاک میں پٹرول پمپ کے مالک فاروق عامر کو دینے کے لیے موٹر سائیکل پر جا رہا تھا کہ دو ڈاکوئوں نے گن پوائنٹ نقدی چھین لی۔

ہڑپہ ریلوے اسٹیشن پر ایک بیوپاری محمد اکرم کو نشہ آور چیز دیکر بیہوش کرنے کے بعد دو ملزم ڈیڑھ لاکھ روپے کی نقدی لوٹ کر فرار ہو گئے۔

(جاری ہے)

محمد اکرم کو بیہوشی کی حالت میں سول ہسپتال ساہیوال داخل کرا دیا گیا ہے ۔ جبکہ پولیس تھانہ یوس والا نے ایک ہفتہ قبل چک57/5-Lایک بیوپاری محمد فیاض سے ایک لاکھ پندرہ ہزار روپے کی نقدی لوٹنے والے دو ڈاکوئوں شوکت اور مختار احمد کو گرفتار کر لیا اور ڈاکوئوں کے قبضہ سے ایک ناجائز پسٹل اور ایک رائفل برآمد کر لی اور مسروقہ نقدی بھی برآمد کر لی۔

چک101/6-Rکے بیوپاری محمد فیاض جب گیمبر منڈی سے واپس موٹر سائیکل پر اپنے گھر جا رہے تھے تو 20جولائی کو چار ڈاکوئوں نے ایک لاکھ پندرہ ہز ا ر روپے کی نقدی لوٹ لی تھی ۔ پولیس یوسف والا نے ڈاکوئوں کے گروہ کا سراغ لگا کر دو ڈاکوئوں کو گرفتارکر لیا۔ پولیس تھانہ غلہ منڈی ، تھانہ ہڑپہ اور پولیس تھانہ یوسف والا نے تین مقدمات 392-397-337-J-379-411-ت پ اور اسلحہ ایکٹ کے تحت مقدمات درج کرکے تفتیش شروع کر دی ہے ۔

Facebook Twitter Google + Share on Whatsapp

ساہیوال ڈاکوئوں نے پٹرول پمپ منیجر اور بیوپاری کو بیہوش کرکے چار لاکھ آٹھ ہزار روپے کی نقدی لوٹ لی، دو ڈاکو گرفتار

متعلقہ عنوان :

مزید قومی خبریں