امریکا طالبان کو تباہ کرنے کے بجائے مذاکرات کرے، عمران خان

منگل 26 ستمبر 2017 12:12

اسلام آباد (اُردو پوائنٹ اخبارتازہ ترین - آئی این پی۔ 26 ستمبر2017ء) پاکستان تحریک انصاف کے چیئرمین عمران خان نے کہا ہے کہ امریکا طالبان کوتباہ کرنیکی کوشش کے بجائے ان سے مذاکرات کرے،17سال قبل بھی کہا تھا، مزید لڑائی اورخون بہانا کوئی جواب نہیں،امریکی صدرٹرمپ کے بیان سے پاکستانیوں کودکھ ہوا، طالبان کے محفوظ ٹھکانے افغانستان میں ہیں اور طالبان افغان سر زمین سے پاکستان میں حملے کرتے ہیں۔

(جاری ہے)

غیرملکی خبررساں ادارے کو دیئے گئے انٹرویو میں چیئرمین تحریک انصاف کا کہنا تھا کہ امریکی صدرٹرمپ کے بیان سے پاکستانیوں کودکھ ہوا، طالبان کے محفوظ ٹھکانے افغانستان میں ہیں اور طالبان افغان سر زمین سے پاکستان میں حملے کرتے ہیں۔انہوں نے کہا کہ امریکی صدرٹرمپ کی افغان پالیسی میں نقص ہے، امریکاطالبان کوشکست نہ دے سکا، پاکستان کو اسکا قصور وار ٹھہرانا درست نہیں۔عمران خان کا کہنا تھا کہ پاکستان نے بہت کرلیا ہے، اب دیگر ممالک کو ڈو مور کرنا ہوگا۔