سعودی عرب اور اردن کی فوجی مشقیں شروع

پیر 13 نومبر 2017 15:35

عمان ۔ (اُردو پوائنٹ اخبارتازہ ترین - اے پی پی۔ 13 نومبر2017ء) سعودی عرب اور اردنی فضائیہ نے ’’یرموک 2‘‘ نامی فوجی مشترکہ مشقوں کا آغاز کر دیا ہے۔ شمالی اردن میں ہونے والی ان مشقوں میں سعودی عرب سی12 ویں خالد بن ولید بریگیڈ اور اردن سے ’’شہزادی عالیہ بریگیڈ‘‘ نے شرکت کی۔

(جاری ہے)

خبر رساں اداروں نے شمالی اردن کے عسکری ہیڈ کوارٹرز کے کمانڈر انچیف جنرل عبداللہ بن یاسین کا حوالہ دیتے ہوئے بتایا کہ ان مشقوں کا مقصد دو طرفہ تعلقات کو فروغ دیتے ہوئے عسکری تجربات سے فائدہ اٹھانا ہے۔ اس موقع پرخالد بن ولید بریگیڈ کے کمانڈر جنرل محمد صالح المقابل نے کہا کہ سعودی عرب اور اردن کے درمیان تعلقات کافی مستحکم ہیں جن میں ان مشقوں کے اہتمام سے مزید فروغ آئے گا۔

Facebook Twitter Google + Share on Whatsapp

سعودی عرب اور اردن کی فوجی مشقیں شروع

متعلقہ عنوان :

مزید بین الاقوامی خبریں