رینجرز اور پولیس مشترکہ آپریشن تین ملزمان بھاری تعداد میں اسلحہ بر آمد کر کے 3ملزمان کو گرفتار کر لیا گیا

پیر 18 دسمبر 2017 22:27

کراچی(اُردو پوائنٹ اخبارتازہ ترین - آئی این پی۔ 18 دسمبر2017ء) رینجرز اور پولیس نے مشترکہ کارروائی کرتے ہوئے غیر قانونی اسلحہ کی خرید و فروخت میں ملوث 3 ملزمان کو گرفتار کرکے اسلحہ بھی برآمد کرلیا،تفصیلات کے مطابق پیر کورضویہ سوسائٹی میں پاکستان رینجرز سندھ اور پولیس نے خفیہ اطلاع پر مشترکہ کارروائی کرتے ہوئے غیر قانونی اسلحہ کی خرید و فروخت کرنے والے گروہ کے 3 ملزمان کو گرفتار کرلیا۔

(جاری ہے)

ترجمان رینجرز کے مطابق گرفتار ملزمان میں اعظم عباس،عامر عباس اور آصف شامل ہیں جب کہ ملزمان کی نشاندہی پر مکان پر چھاپا مار کر بھاری تعداد میں اسلحہ اور گولیاں بر آمد کرلیں۔ترجمان کا کہنا ہے کہ برآمد ہونے والے اسلحہ میں جی تھری رائفل، 4 ایس ایم جیز، 2 سیون ایم ایم رائفل، 5 بارہ بور، ایم فور رائفل، پوائنٹ 22 رائفل، پوائنٹ 22پستول،6 نائن ایم ایم، 4 تیس بور پستول، تین 32بور پستول اور 38بور پستول شامل ہیں۔اسد کے علاوہ 2159 مختلف اقسام کے راؤنڈز بھی بر آمد کیے جب کہ ملزمان کو مزید قانونی کارروائی کے لیے پولیس کے حوالے کر دیا گیا ہے۔#