چنیوٹ،فصل سے گزرنے سے منع کرنے پر مخالفین نے دو بچوں کے باپ کوکلہاڑیوں کے وار کرکے قتل کر دیا

پیر 16 اپریل 2018 16:35

چنیوٹ(اُردو پوائنٹ اخبارتازہ ترین - این این آئی۔ 16 اپریل2018ء) فصل سے گزرنے سے منع کرنے پر مخالفین نے دو بچوں کے باپ کوکلہاڑیوں کے پے در پے وار کرکے بیدردی سے قتل کر دیا۔ پولیس اور ڈاکٹر مبینہ طور پر غائب، مقتول کی نعش ڈی ایچ کیو منتقل پوسٹمارٹم کیلئے کئی گھنٹے پڑی رہی ۔ ورثا کا انتظار بھی طویل ہو گیا ۔

(جاری ہے)

بتایا گیا ہے کہ چنیوٹ کے نواحی موضع دھسری بابو رائے لاہور سرگودھا بائی پاس روڈ پر طالب ولد اللہ یار قوم وینس جوکہ دو بچوں کا باپ بتایا گیا ہے نے نوجو ان کو اپنی فصلوں کو نقصان پہنچانے سے روکا توہمسایوں نے کلہاڑی اور ڈنڈے مار کر شدید زخمی کردیا، زخمی کو ابتدائی طبی امداد کے بعد تشویش ناک حالت میں ڈسٹرکٹ ہیڈ کوارٹر منتقل کیا گیا لیکن حالت تشویشناک کی وجہ سے طالب کو الائیڈ ہسپتال فیصل آباد شفٹ کیا گیا ، جو آج الائیڈ ہسپتال میں زندگی کی بازی ہار گیا۔

مقتول کی نعش قانونی کارروائی سے محروم ڈی ایچ کیو چنیوٹ میں پڑی رہی جہاں وہ پولیس کارروائی اور ڈاکٹرز کی جانب سے پوسٹمارٹم کی منتظر رہی لواحقین نے نعش کے ساتھ بدسلوکی پر شدید غم و غصہ کا اظہار کیا ہے ۔