مظفرآبا دپولیس کی منشیات فروشوں کیخلاف کارروائیاں جاری ‘ایک ملزم گرفتار، بھاری مقدار مین شراب برآمد

پیر 16 اپریل 2018 19:03

مظفرآباد ۔ (اُردو پوائنٹ اخبارتازہ ترین - اے پی پی۔ 16 اپریل2018ء) مظفرآبا دپولیس نے منشیات فروشوں کیخلاف کارروائیوں دوران ایک ملزم کوگرفتار کرکے بھاری مقدار میں شراب برآمد کرلی ۔ تفصیلات کے مطابق ڈی آئی جی ریجن سردار گلفراز خان ، ایس ایس پی مظفرآباد راجہ اکمل خان کی خصوصی دلچسپی کے باعث مظفرآباد پولیس منشیات فروشوں کیخلاف متحرک ہوگئی۔

چوکی پولیس کوہالہ نے دوران چیکنگ جی ایل آئی کار نمبر ICT-925سے 252بوتل شراب برآمد کرلی ۔

(جاری ہے)

چوکی آفیسر افتخار اعوان نے نفری کے ہمراہ کارروائی کرتے ہوئے شراب ڈیلر خالد محمود کو گرفتار کرلیا ۔ اس کے زیر استعمال گاڑی بھی ضبط کرلی گئی ہے ۔ پکڑے جانے والی شراب میں 240بوتل چھوٹی جبکہ 12بڑی بوتلیں شامل ہیں ۔ پکڑے جانے والے ڈیلر کا تعلق راولپنڈی سے ہے ۔

جس نے پولیس کو بتایا ہے کہ وہ دولائی کے رہائشی بدنام زمانہ منشیات فروش راجہ فرخ کی شراب لیکر جارہا تھا ۔ راجہ فرخ عرصہ دراز سے منشیات کے مکروہ دھندہ میں ملوث ہے ۔ ڈیلرنے پولیس کو بتایا ہے کہ ا س سے قبل بھی کئی بار مال دولائی پہنچایا ہے لیکن گرفتار نہیں ہوا۔ ڈیلر کی گرفتاری کی اطلاع ملتے ہی راجہ فرخ فرار ہوگیا ۔ پولیس جگہ جگہ اس کی گرفتاری کے لئے چھاپے مار رہی ہے ۔

Facebook Twitter Google + Share on Whatsapp

مظفرآبا دپولیس کی منشیات فروشوں کیخلاف کارروائیاں جاری ‘ایک ملزم گرفتار، بھاری مقدار مین شراب برآمد

متعلقہ عنوان :

مزید قومی خبریں