Live Updates

لوگ نیشنل ایکشن پلان پڑھے بغیر کنفیوڑن پیدا کررہے ہیں، بیرسٹر گوہر

منگل 14 اکتوبر 2025 20:13

راولپنڈی (اُردو پوائنٹ اخبارتازہ ترین - این این آئی۔ 14 اکتوبر2025ء) چیئرمین پاکستان تحریک انصاف بیرسٹر گوہر نے کہا ہے کہ لوگ نیشنل ایکشن پلان پڑھے بغیر کنفیوڑن پیدا کر رہے ہیں۔میڈیا سے گفتگو میں بیرسٹر گوہر نے کہا کہ اڈیالہ جیل میں توشہ خانہ 2 کیس میں سماعت کے دوران بانی چیئرمین سے ملاقات ہوئی ہے۔

(جاری ہے)

انہوں نے کہا کہ خیبر پختونخوا میں وزیر اعلیٰ کی تبدیلی کے بعد یہ پہلی ملاقات تھی، بانی نے تمام ایم پی ایز کا شکریہ ادا کیا اور خوشی کا اظہار کیا، ساتھ ہی تمام عہدیداروں کو مبارکباد بھی دی۔

بیرسٹر گوہر نے کہا کہ جنوری میں آل پارٹیز کانفرنس کی، اس کی پریس ریلیز میں نیشنل ایکشن پلان اور ٹارگٹڈ آپریشنز کاذکر ہے، لوگ نیشنل ایکشن پلان کو پڑھے بغیر کنفیوژن پیدا کر رہے ہیں، ایسا نہیں کرنا چاہیے، بس حکمت عملی میں فرق ہے۔چیئرمین پی ٹی آئی نے کہا کہ پی ٹی آئی ہر قسم کی دہشت گردی کی مذمت کرتی ہے، عام عوام کا خون نہیں بہنا چاہیے، دہشت گردی کے مسئلے کا حل نکالنا ہے۔انہوں نے کہا کہ پی ٹی آئی کہہ رہی ہے کہ صرف ملٹری آپریشن مسائل کا حل نہیں ہے۔