Live Updates

خیبرپختونخوا کابینہ میں کئی اہم اور نئے چہروں کو ذمہ داریاں سونپے جانے کا امکان

عمران خان نے مزمل اسلم کو کابینہ میں مشیر خزانہ رکھنے کے علاوہ باقی تمام اختیارات سہیل آفریدی کو دے دئیے ،ذرائع

منگل 14 اکتوبر 2025 23:00

خیبرپختونخوا کابینہ میں کئی اہم اور نئے چہروں کو ذمہ داریاں سونپے جانے ..

پشاور(اُردو پوائنٹ اخبارتازہ ترین - این این آئی۔ 14 اکتوبر2025ء) وزیراعلیٰ خیبرپختونخوا کی حلف برداری سے قبل پاکستان تحریک انصاف کی وزیراعلیٰ ہاؤس میں اہم بیٹھک ہوئی، جس میں صوبائی کابینہ پر مشاورت کی گئی۔ذرائع کے مطابق خیبرپختونخوا میں بیشتر پرانے وزراء، مشیران اور معاونین خصوصی شامل ہوں گے، ساتھ ہی کئی اہم اور نئے چہروں کو بھی ذمہ داریاں سونپے جانے کا امکان ہے۔

(جاری ہے)

ذرائع کے مطابق پی ٹی آئی میں علی امین کے مخالف گروپ کے ارکان بھی وزراتیں حاصل کرنے کیلئے سرگرم ہیں۔ذرائع نے بتایا کہ نو منتخب وزیر اعلیٰ سہیل آفریدی کو کابینہ میں ردوبدل کا اختیار بھی ملا جب کہ سربراہ پی ٹی آئی عمران خان نے مزمل اسلم کو کابینہ میں مشیر خزانہ رکھنے کے علاوہ باقی تمام اختیارات سہیل آفریدی کو دے دئیے ہیں۔ذرائع کے مطابق علی امین گنڈاپور نے شہرام ترکئی اور اسد قیصر کے بھائیوں کو کابینہ سے فارغ کیا تھا، سہیل آفریدی کے منتخب ہوتے ہی شہرام ترکئی اور عاطف خان نے بھی وزیراعلیٰ ہاؤس میں ڈیرے ڈال دئیے ہیں۔