پاکستان اقوام متحدہ کی انسانی حقوق کونسل کا ممبر منتخب

کامیابی پاکستان کے مضبوط موقف، خدمات اور عالمی انسانی حقوق کے فریم ورک میں کردار کا اعتراف ہے ،اسحاق ڈار

منگل 14 اکتوبر 2025 22:30

اسلام آباد(اُردو پوائنٹ اخبارتازہ ترین - این این آئی۔ 14 اکتوبر2025ء) پاکستان اقوام متحدہ کی انسانی حقوق کونسل کا ممبر منتخب ہوگیا۔نائب وزیر اعظم اسحاق ڈار نے اپنے ٹویٹ میں کہا کہ اللہ تعالی کے فضل و کرم سے پاکستان 2026 تا 2028 کی مدت کیلئے اقوامِ متحدہ کی انسانی حقوق کونسل کا رکن منتخب ہو گیا ہے، پاکستان کو اس انتخاب میں بھاری اکثریت سے کامیابی حاصل ہوئی۔

(جاری ہے)

سینیٹر اسحاق ڈار نے تمام اقوامِ متحدہ کے رکن ممالک کا شکریہ ادا کیا اور کہا کہ یہ کامیابی پاکستان کے مضبوط موقف، خدمات اور عالمی انسانی حقوق کے فریم ورک میں کردار کا اعتراف ہے پاکستان عالمی برادری کے ساتھ برداشت، احترام، شمولیت، اتفاقِ رائے اور تعمیری شراکت کے اصولوں پر مبنی تعاون جاری رکھے گا۔انہوں نے کہا کہ پاکستان عالمی سطح پر انسانی حقوق کے فروغ، اقلیتوں کے تحفظ اور مساوات کے فروغ کے لیے اپنا فعال کردار ادا کرتا رہے گا۔