گھوٹکی پولیس کی کارروائیاں ، آکٹرا پرچی جواریوں کو گرفتار کر لیا گیا

پیر 16 اپریل 2018 23:04

سکھر۔16اپریل(اُردو پوائنٹ اخبارتازہ ترین۔ 16 اپریل2018ء) گھوٹکی پولیس کی آکڑا پرچی جوا کے خلاف کاروائیاں، دو مختلف چھاپوں کے دوران 6 آکڑا پرچی کے جواری گرفتار کر لئے گئے، پولیس ترجمان کے مطابق جواریوں سے آکڑا پرچی کے رجسٹر، کلکیولیٹر، تاش، موبائل فون اور نقدی برآمد کئے گئے ہیں۔

(جاری ہے)

علاوہ ازیں پاسبان سی آئی اے پولیس کی جروار تھانے کی حد میں کاروائی کرتے ہوئے آکڑا پرچی جوا کے اڈے پر چھاپہ5 جواریوں کو گرفتار کر لیا، اڈے سے آکڑا پرچی کے 03 رجسٹر، تاش، 03 موبائل فون، کلکیولیٹر اور نقدی برآمدکی گئی ہے، ملزمان میں جاوید گبول ،سرفراز ،شاہد نوہانی، باغن لوند اور لطف علی سیال شامل ہیں ، مذید براں ضلع گھوٹکی کی خانپور پولیس نے خفیہ اطلاع پر محمد بخش ملک کے آکڑا پرچی کے اڈے پر چھاپہ مار کر ایک جواری محمد بخش کو گرفتار کر لیا، پولیس نی2 آکڑا پرچی رجسٹر، موبائل فون اور نقدی برآمدکر لی ہیں، ایس گھوٹکی کامران نواز نے بہترین کاروائیوں پرکرنے پر پولیس کے لیے شاباشی دی ہے، اور کاروائیاں مذید تیز کرنے کی ہدایت جاری کی ہیں ۔