سعودی عرب،ٹویوٹا کی 165 گاڑیوں کی مفت مرمت کی جائے گی

منگل 17 اپریل 2018 11:00

ریاض ۔ (اُردو پوائنٹ اخبارتازہ ترین - اے پی پی۔ 17 اپریل2018ء) سعودی عرب کی وزارت تجارت و سرمایہ کاری نے فنی خرابی کے باعث ٹویوٹا کی 165 گاڑیوں کو مفت مرمت کیلئے طلب کرلیا۔

(جاری ہے)

سعودی اخبار کے مطابق وزارت تجارت و سرمایہ کاری نے اپنے ٹویٹر اکائونٹ پر یہ اطلاع دیتے ہوئے واضح کیا کہ ٹویوٹا کی بریوس گاڑیاں 2016 ماڈ ل کے ایئر بیگس میں فنی خرابی کے باعث یہ اقدامات کئے گئے ہیں۔ حادثے کے وقت ایئربیگس فنی خرابی کے باعث بروقت کھل نہیں پا رہے تھے اس طرح کی 165 گاڑیوں کی مفت مرمت کا فیصلہ کیا گیا ہے۔