Live Updates

آبنائے ہرمز‘ ایران کا امریکی حملے میں 5 شہریوں کے جاں بحق ہونے کا دعویٰ

منگل 5 مئی 2026 23:03

تہران (اُردو پوائنٹ اخبارتازہ ترین - آن لائن۔ 05 مئی2026ء) آبنائے ہرمز میں ایک بار پھر کشیدگی بڑھ گئی ہے جہاں ایران نے دعویٰ کیا ہے کہ امریکی فوج نے 2 سویلین کشتیوں کو نشانہ بنایا ہے جس کے نتیجے میں 5 شہری جاں بحق ہو گئے۔

(جاری ہے)

ایرانی سرکاری میڈیا کے مطابق نشانہ بننے والی کشتیاں عام شہریوں کو لے جا رہی تھیں، یہ کشتیاں عمان کے علاقے خصب سے ایران آ رہی تھیں اور دونوں کشتیوں پر تجارتی سامان بھی موجود تھا، حملے میں دونوں کشتیاں مکمل طور پر تباہ ہو گئیں۔

دوسری جانب تاحال امریکی مؤقف سامنے نہیں آیا ہے تاہم الجزیرہ نے اپنے ذرائع کے توسط سے بتایا ہے کہ امریکی کارروائی کا ہدف ایرانی پاسدارانِ انقلاب (آئی آر جی سی) کی 6 سے 7 اسپیڈ بوٹس تھیں نہ کہ سویلین کشتیاں۔الجزیرہ کی رپورٹ کے مطابق اس آپریشن کو ’پروجیکٹ فریڈم‘ کا حصہ قرار دیا جا رہا ہے جس کا مقصد آبنائے ہرمز میں پھنسے جہازوں کو نکالنا بتایا گیا ہے۔