Live Updates

خطے میں امریکا کی موجودگی مغربی ایشیاء کے ممالک کیلئے امن کا ذریعہ نہیں ہے

خطے کے ممالک امریکا سے سکیورٹی کی بھیک مانگنا بند کردیں، امریکی اڈوں نے میزبان ممالک کو کئی بار خطرے میں مبتلا کیا ہے،ترجمان ایرانی وزارت خارجہ اسماعیل بقائی کا بیان

ثنااللہ ناگرہ منگل 5 مئی 2026 21:38

خطے میں امریکا کی موجودگی مغربی ایشیاء کے ممالک کیلئے امن کا ذریعہ ..

تہران (اردوپوائنٹ اخبار تازہ ترین۔ انٹرنیشنل پریس ایجنسی ۔ 05 مئی 2026ء ) ترجمان ایرانی وزارت خارجہ اسماعیل بقائی نے کہا ہے کہ خطے میں امریکا کی موجودگی مغربی ایشیاء کے ممالک کیلئے امن کا ذریعہ نہیں ہے۔ میڈیا کے مطابق ترجمان ایرانی وزارت خارجہ نے اپنے بیان میں کہا کہ خطے کے ممالک امریکا سے سکیورٹی کی بھیک مانگنا بند کردیں۔ خطے میں امریکا کی موجودگی مغربی ایشیاء کے ممالک کیلئے امن کا ذریعہ نہیں ہے۔

امریکا نے اپنے اڈوں کی میزبانی کرنے والے ممالک کی سکیورٹی کو بھی خطرے میں ڈالا، خطے میں پائیدار امن علاقائی تعاون سے یقینی بنایا جاسکتا ہے۔ امریکی اڈوں نے میزبان ممالک کو کئی بار خطرے میں مبتلا کیا ہے۔ترجمان ایرانی وزارت خارجہ نے کہا کہ ہماری توجہ جنگ ختم کرنے پر مرکوز ہے۔

(جاری ہے)

ایران بداعتمادی کے ماحول میں امریکا سے مذاکرات کررہا ہے۔

دوسری جانب خلیج ٹائمز کے مطابق اماراتی حکام نے بتایا ہے کہ امارات کا فضائی دفاعی نظام اس وقت میزائل اور ڈرون حملوں سے نمٹ رہا ہے، مختلف علاقوں میں سنائی دینے والی زور دار دھماکوں کی آوازیں بھی اسی کا نتیجہ ہے۔ اس سے متحدہ عرب امارات پر گزشتہ روز کے میزائل اور ڈرون حملوں کے بعد ایران کا موقف سامنے آیا تھا۔ ایرانی سرکاری میڈیا نے متحدہ عرب امارات پر ڈرون اور میزائل حملوں کی تردید کرتے ہوئے کہا کہ ایران کی جانب سے متحدہ عرب امارات کو نشانہ بنانے کا کوئی ارادہ نہیں تھا۔

دریں اثناں امریکی صدر ڈونلڈ ٹرمپ نے اوول آفس میں میڈیا سے گفتگو کرتے ہوئے کہا کہ امریکا اپنی تاریخ کے سنہری دور سے گزر رہا ہے، ایران کے پاس اب کوئی چانس نہیں ہے، ایران کو بھی پتا ہے کہ اب ان کے پاس کوئی چانس نہیں ہے۔ ایران جب ہم سے بات کرتا ہے تو یہی کہتا ہے کہ ہمارا کوئی چانس نہیں،ایران ڈیل چاہتا لیکن کھیل بھی کھیل رہا ہے۔ صدر ٹرمپ نے کہا کہ ایران کو ایٹمی ہتھیار رکھنے کی اجازت نہیں دے سکتے،ایران کے پاس ایٹمی ہتھیار ہوں گے تو دنیا مصیبت میں پڑ جائے گی،بی ٹو بمبار طیارے نہ بھیجتے تو ایران دو ہفتوں میں ایٹمی طاقت بن جاتا، ایران کے پاس ایٹم بم ہوتا تو آج ہم یہاں نہ ہوتے،ایران کے پاس ایٹم بم ہوتا تو مشرق وسطیٰ اور اسرائیل ختم ہوجاتے۔