پاکستانی سیاحت مقامی معیشت میں آمدنی کا بڑا ذریعہ ثابت ہو سکتی ہے ‘راجہ حسن اختر

شمالی علاقہ یات اور چاروں صوبوں کے سیاحتی مقامات کو دنیا بھر کے سیاحوں کیلئے توجہ کا مرکز بنایا جا سکتا ہے‘ چیئرمین قائمہ کمیٹی ایف پی سی سی آئی

منگل 17 اپریل 2018 12:51

لاہور(اُردو پوائنٹ اخبارتازہ ترین - این این آئی۔ 17 اپریل2018ء) سیاحت کی صنعت مختلف ممالک کے درمیان صحتمند تعلقات کو فروغ دینے میں بہت مدد کرتی ہے،سیاحت مقامی معیشت میں آمدنی کا بڑا ذریعہ بھی ہے اورسیاحت کے فروغ سے پاکستان کثیر زر مبادلہ کما سکتا ہے،شمالی علاقوں میں پائے جانے والے معدنی وسائل کوبروئے کار لا کر بہت بڑی تعداد میں چھوٹی انڈسٹریز قائم کی جاسکتیں ہے۔

ان خیالات کا اظہار فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کی قائمہ کمیٹی برائے سیاحت کے چیئرمین اورلاہور چیمبر میں آزاد گروپ کے بانی چیئرمین راجہ حسن اختر نے ایف پی سی سی آئی ریجنل آفس لاہور میں سیاحت کے فروغ کے عنوان سے منعقدہ خصوصی اجلاس سے خطاب کرتے ہوئے کیا۔

(جاری ہے)

انہوں نے کہاکہ سیاحت دنیا میں سب سے بہت بڑی صنعت بن چکی ہے۔

پاکستان کے شمالی علاقہ جات کے علاوہ سندھ،بلوچستان اور خیبر پختونخواہ میں بے شمار سیاحتی مقامات ہیںجنہیں دنیا بھر میں سیاحوں کے لیے توجہ کا مرکز بنایا جا سکتا ہے۔انہوں نے مزیدکہاکہ لاہور قدیم شہر ہے جس میں کئی عمارتیں تاریخی لحاظ سے بہت اہم ہیں ،ہم لاہور میں مختلف فیسٹولزکا انعقاد کر کے غیر ملکی سیاحوں کی توجہ حاصل کر سکتے ہیں۔

ایف پی سی سی آئی قائمہ کمیٹی برائے ’’کاٹیج انڈسٹری‘‘ کے چیئرمین محمد یاسین نے کہاکہ وہ یونیورسٹیوں اور کالجزکے طلباء و طالبات کی راہنمائی کی جائے گئی ۔اس سے جہاں بے روزگاری کو کم کرنے میں مدد ملے گئی وہیں ہم زیادہ زر مبادلہ اکھٹا کرسکیں گے۔دنیا میں 8000قسم کے کھیل ہیں۔اگر ہم کھلے میدانوں کو استعمال کرکے کھیل کے میدان تعمیر کریں تواس سے نہ صرف وہاں مقامی آبادی کو روزگار میسر آئے گا بلکہ صحت مندانہ سرگرمیاں بھی فروغ پائیں گی۔