چنئی سپر کنگز کے کپتان مہندرا سنگھ دھونی کمر کی تکلیف میں مبتلا

منگل 17 اپریل 2018 15:50

موہالی(اُردو پوائنٹ اخبارتازہ ترین۔ 17 اپریل2018ء)چنئی سپر کنگز کے کپتان مہندرا سنگھ دھونی کمر کی تکلیف میں مبتلا ہوگئے تاہم ان کو یقین ہے کہ انجری کے باوجود بدستور آئی پی ایل میچزکھیلنے کا سلسلہ جاری رکھیں گے۔

(جاری ہے)

دھونی دو روز قبل کنگز الیون پنجاب سے میچ میں بیٹنگ کے دوران اس تکلیف کا شکار ہوئے، میدان میں ہی انھیں طبی امداد بھی لینا پڑی تھی۔ چنئی سپر کنگز کا اب اگلا میچ جمعے کو ہے۔ دھونی نے کہاکہ کمر کی تکلیف بہت ہی شدید مگر قدرت نے مجھے بہت طاقت دی ہے، میں اپنی کمر کو بہت ہی کم استعمال کرتا اور ہاتھوں سے ہی بیٹنگ کا فریضہ انجام دیتا ہوں۔