بھارت کشمیر میں دہشت گردی کررہاہے،راجہ فاروق حیدر
کشمیر معاملے پر ہم سب اکھٹے ہیں، دنیا کے ہر فورم پر کشمیریوں کا مقدمہ لیکر جائیں گے، 18اپریل کو احتجاجی مظاہرے میں شرکت کریں، لارڈ نذیر احمدودیگر کے ہمراہ پریس کانفرنس
منگل 17 اپریل 2018 16:30
(جاری ہے)
میں بحیثیت کشمیری یہاں پر موجود ہوں ، کشمیر پر معاملے پر ہم سب اکھٹے ہیں اور اللہ کے فضل و کرم سے اکھٹے رہیں گے۔
پوری دنیا میں جہاں کہیں بھی کشمیری آباد ہیں انہیں مظلوم کشمیریوں کی آواز کوبلند کرنا ہوگا۔ تارکین وطن کشمیری ہمارا سرمایہ ہیں ،ہم دنیا کے ہر فورم پر کشمیریوں کا مقدمہ لیکر جائیں گے۔سب سے اپیل ہے کہ 18اپریل کو یہاں احتجاجی مظاہرے میں شریک ہوں۔یہاں کے میڈیا اور تمام سیاسی جماعتوں کا شکرگزار ہوں۔وزیر اعظم آزادکشمیر نے ان خیالات کا اظہارکشمیری قائدین، برطانوی ممبر پارلیمنٹ لارڈ نذیر احمدودیگر کے ہمراہ پریس کانفرنس سے خطاب کرتے ہوئے کیا۔ اس موقع پر اپوزیشن لیڈر آزاد جموں وکشمیر قانون ساز اسمبلی چوہدری محمد یاسین، جماعت اسلامی کے عبدالرشید ترابی ، لاڑڈ نذیراحمد،احمد رضا قادری ، راجہ نجابت، پاکستان مسلم نون آزاد کشمیر لندن کے صدر راجہ تاج خان، چیف آرگنائزر ذولفقار احمد خان اور سینئر نائب صدر خواجہ ظہور حسین ، پاکستان پیپلز پارٹی، مسلم لیگ نون، آل پاکستان مسلم لیگ، تحریک کشمیر برطانیہ، تحریک حق خود ارادیت اور دیگر سیاسی سماجی اور آزادی پسند تنظیموں نے شرکت کی۔ وزیر اعظم نے کہاکہ سیکورٹی کونسل اور دیگر اداروں نے کشمیریوں کو ان کا حق دینے کا وعدہ کیا ہے، کشمیر کے اندر چو کچھ ہو رہا ہے اس پر دنیا کو نوٹس لیناچاہیے ،۔ انہوںنے کہاکہ یہاں کی نئی نسل کو بھی مسئلہ کشمیر سے آگاہ کرنے کی ضرورت ہے ۔ ہمیں پوری دنیا میں کشمیریوں کی آواز کو بلند کرنا ہے،ہمیں یہاں کی کمیونٹی کو بتانا ہے کہ کشمیریوں پر کیا مظالم ڈھائے جارہے ہیں۔ وزیر اعظم نے کہاکہ سب جماعتوں کا شکرگزار ہوں جنہوں نے اس معاملے پر اتحاد و یکجہتی کا مظاہر کیا۔ہم سب اکھٹے ہیں اور سب نے ملکر دنیا کو بتانا ہے کہ کشمیر ایک مسئلہ ہے جس کا حل ناگزیر ہے ۔انہوں نے کہاکہ یہاں احتجاجی مظاہرے کا اثر آزادکشمیر بھی جائیگا ۔انہوں نے کہاکہ وزیر اعظم پاکستان ، سپیکر قانون ساز اسمبلی شاہ غلام قادر اور اپوزیشن لیڈر سمیت تمام جماعتوں کا شکرگزار ہوں۔ وزیر اعظم نے کہاکہ جب ہم سارے اکھٹے ہونگے تو ہماری آواز موثر ہوگی اور دنیا میں ایک مثبت پیغام جائیگا۔ اس موقع پر خطاب کرتے ہوئے اپوزیشن لیڈر چوہدری محمد یاسین نے کہاکہ میں نے 6اپریل آزادکشمیر قانون سازا سمبلی کے اجلاس میں تمام رہنمائوں سے اپیل کی تھی سب یہاں آئیں اور کشمیریوں کی آواز کو دنیا تک پہنچائیں ۔ کشمیرکے معاملے پر ہم میں کوئی اختلاف نہیں ہے ، کشمیریوں کی آواز کو دنیا کے ہر فورم تک پہنچانے کیلئے اپنی جدوجہد جاری رکھیں گے،انہوں نے کہاکہ 18اپریل کو کشمیریوں کے قاتل بھارتی وزیر اعظم کی برطانیہ آمد پر بھرپور احتجاجی مظاہرہ ہوگا جس میں کشمیریوں سمیت یہاں کی سول سوسائٹی شریک ہوگی۔ انہوںنے کہاکہ سیاسی اختلافات اپنی جگہ مگر مسئلہ کشمیر کیلئے ہم سب ایک ہیں۔ ہم نے متحد ہوکرمظلوم کشمیریوں کی آواز کو دنیا تک پہچانا ہے اور دنیا کو بتانا ہے کہ ہندوستانی فورسز کس طرح معصوم کشمیریوں کا خون بہا رہی ہے۔انہوںنے کہاکہ ہندوستان طاقت کے زور سے کشمیریوں کے جذبہ آزادی کو سر دکرنے کی ناکام کوشش کررہا ہے ۔ کشمیریوں نے اس تحریک کو اپنے خون سے زندہ رکھا ہوا ہے ،دنیا کی کوئی طاقت کشمیریوں کے جذبہ حریت کو سرد نہیں کر سکتی۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.