7 سالہ بچی زیادتی کے بعد قتل ،ْملزم گرفتار

منگل 17 اپریل 2018 21:03

ایٹا(اُردو پوائنٹ اخبارتازہ ترین - این این آئی۔ 17 اپریل2018ء) صوبہ اترپردیش میں 7 سالہ بچی کو زیادتی کے بعد قتل کردیا گیا ،ْ پولیس نے ملزم کو گرفتار کرلیا۔بھارتی میڈیا کے مطابق صوبہ اترپردیش کے ضلع ایٹا میں 19 سالہ لڑکے نے 7 سال کی بچی کو زیادتی کا نشانہ بنانے کے بعد قتل کردیا۔میڈیا رپورٹس کے مطابق ضلع ایٹا کیعلاقے گلہ منڈی میں پیر کی رات بچی اپنے اہل خانہ کے ہمراہ شادی کی تقریب میں شریک تھی کہ اس دوران 19 سالہ سونو نامی نوجوان اہل خانہ سے نظر بچا کر بچی کو قریب ہی واقع زیر تعمیر عمارت میں لے گیا جہاں اس نے کمسن کو زیادتی کا نشانہ بنانے کے بعد قتل کردیا۔

پولیس کا کہناہے کہ شادی کی تقریب کے دوران بچی کے اہل خانہ نے اسے گمشدہ پاکر تلاش شروع کی تو بچی کی لاش قریب ہی واقع زیر تعمیر عمارت سے ملی۔

(جاری ہے)

پولیس کے مطابق بچی کو گلا دبا کر قتل کیا گیا جب کہ واقعے میں ملوث ملزم کو گرفتار کرکے اس کے خلاف مقدمہ درج کرلیا گیا۔بھارتی میڈیا رپورٹس میں بتایا گیا کہ سرکاری اعدادو شمار کے مطابق بھارت میں ہر 15 منٹ میں ایک بچے کو زیادتی کا نشانہ بنایا جاتا ہے جبکہ 2016 میں بھارت میں زیادتی کے واقعات میں غیر معمولی اضافہ ہوا اور 2015 کے مقابلے میں واقعات 82 فیصد بڑھے۔واضح رہے کہ چند روز قبل بھارتی صوبے گجرات میں بھی 11 سالہ بچی کو زیادتی کے بعد قتل کیا گیا تھا۔

Facebook Twitter Google + Share on Whatsapp

7 سالہ بچی زیادتی کے بعد قتل ،ْملزم گرفتار

متعلقہ عنوان :

مزید بین الاقوامی خبریں