لیبیا کے آرمی چیف پر بارود بھری کارسے قاتلانہ حملہ ،

خوش قسمتی سے محفوظ رہے بنغازی میں سید خلیفہ کے مقام پر کار سڑک کنارے کھڑی کارقافلہ گزرتے ہی زورداردھماکے سے پھٹ گئی،سرکاری بیان

جمعرات 19 اپریل 2018 11:44

طرابلس(اُردو پوائنٹ اخبارتازہ ترین - این این آئی۔ 19 اپریل2018ء) لیبیا کے آرمی چیف اور مشرقی علاقے کے گورنر عبدالرزاق الناظوری کو گذشتہ روز قاتلانہ حملے کا نشانہ بنایا گیا تاہم وہ محفوظ رہے ہیں۔عرب ٹی وی کے مطابق جنرل الناظوری کے قافلے کو بنغازی شہر میں بارود سے بھری ایک کار کے ذریعے نشانہ بنانے کی کوشش کی گئی تھی۔

(جاری ہے)

لیبی فوج کے شعبہ اطلاعات کی طرف سے جاری کردہ بیان میں کہا گیا ہ بنغازی میں سید خلیفہ کے مقام پر بارود سے بھری ایک کار سڑک کے کنارے کھڑی کی گئی تھی۔

جیسے ہی آرمی چیف کا قافلہ وہاں سے گذرا کار زور دار دھماکے سے پھٹ گئی۔ تاہم جنرل الناظوری اس حملے میں محفوظ رہے ۔خیال رہے کہ لیبی فوج کے سربراہ جنرل خلیفہ حفتر کے بعد جنرل الناظور کو دوسرا اہم ترین فوجی عہدیدار سمجھا جاتا ہے۔ چند روز قبل جنرل حفتر نے مشرقی لیبیا میں دہشت گردوں کے آخری گاڑی درنہ شہر میں فوجی کارروائی کی دھمکی دی تھی، تاہم جنرل حفتر خود شدید بیمار ہیں اوران کی صحت کے حوالے سے مختلف قیاس آرائیاں کی جا رہی ہیں۔