امی بہت کمزور ہو گئی ہیں ، ان کا رنگ بھی پیلا پڑ گیا ہے ۔ مریم نواز کا ٹویٹر پیغام

سمیرا فقیرحسین جمعرات 19 اپریل 2018 12:48

اسلام آباد (اُردو پوائنٹ تازہ ترین اخبار۔19 اپریل 2018ء) : سابق وزیر اعظم نواز شریف اور ان کی صاحبزادی مریم نواز گذشتہ روز بیگم کلثوم نواز کی عیادت کرنے اور ان سے ملاقات کرنے کے لیے لندن روانہ ہوئے۔ لندن پہنچنے پر نواز شریف اور مریم نواز نے بیگم کلثوم نواز سے ملاقات کی اور ان کی خیریت دریافت کی۔

(جاری ہے)

مائیکروبلاگنگ ویب سائٹ ٹویٹر پر اپنے پیغام میں مریم نواز نے بیگم کلثوم نواز کی تصاویر بھی پوسٹ کیں اور لکھا کہ ہم امی سے ۵ ماہ کے طویل عرصے کے بعد ملاقات کر رہے ہیں۔ امی بہت کمزور لگ رہی ہیں اور ان کا رنگ بھی پیلا پڑ گیا ہے۔ اللہ ان کو اور دنیا میں موجود تمام ماؤں پر اپنی رحمت کرے اور انہیں مکمل صحتیاب رکھے۔ https://twitter.com/MaryamNSharif/status/986688801534889984