ہری پور، باراتیوں سے بھری کوسٹر پہاڑ سے ٹکرا گئی، 2خواتین جاں بحق، 30 افراد زخمی

اتوار 19 اکتوبر 2025 20:15

ہری پور (اُردو پوائنٹ اخبارتازہ ترین - این این آئی۔ 19 اکتوبر2025ء) خیبر پختونخوا کے ضلع ہری پور میں شادی کی تقریب میں شرکت کے لیے جانے والی باراتیوں سے بھری کوسٹر بریک فیل ہونے کے باعث پہاڑ سے ٹکرا گئی، جس کے نتیجے میں 2 خواتین جاں بحق جبکہ 30 افراد زخمی ہو گئے۔

(جاری ہے)

ریسکیو 1122 کے مطابق حادثے کی اطلاع ملتے ہی 4 ایمبولینسیں اور ایک ریسکیو وہیکل جائے وقوعہ پر روانہ کر دی گئی، لاشوں اور زیادہ تر زخمیوں کو ٹراما سینٹر ہری پور منتقل کیا گیا، جبکہ 2 شدید زخمیوں کی تشویش ناک حالت کے پیش نظر ایبٹ آباد روانہ کر دیا گیا۔

26 ستمبر کو ڈیرہ اسماعیل خان میں بھی خطرناک ٹریفک حادثہ پیش آیا تھا جس میں 11 افراد جاں بحق اور 3 زخمی ہو گئے تھے۔ترجمان ریسکیو 1122 کے مطابق یہ ٹریفک حادثہ بھی بریک فیل ہو جانے کے باعث پیش آیا۔9 ستمبر کو مانسہرہ کے مقام پر جیب گہری کھائی میں گرنے سے 2 خواتین جاں بحق اور 4 افراد زخمی ہو گئے تھے۔11 ستمبر کو حویلیاں موٹر وے پر شاہ مقصود انٹر چینج کے مقام پر ٹرالر اور کار کے درمیان تصادم کے نتیجے میں ایک ہی خاندان کے 5 افراد جاں بحق ہو گئے تھے۔