جامعہ کشمیرمیں لنکن کارنر کے پروگرام کو آگے بڑھانے کیلئے مفاہمت پر دستخط

مظفرآباد (اُردو پوائنٹ اخبارتازہ ترین - آئی این پی۔ 19 اپریل2018ء) آزاد جموں وکشمیر یونی ورسٹی میں امریکی حکومت کی جانب سے قائم کردہ لنکن کارنر کی دسویں سالگرہ منانے اور اس پروگرام کو آگے بڑھانے کے لییMOUپر دستخط کرنے کی تقریب منعقد ہوئی۔ اس تقریب میںآزاد جموںوکشمیر یونیورسٹی کے وائس چانسلر پروفیسر ڈاکٹر محمد کلیم عباسی، امریکی سفارت خانے کی ڈپٹی کونسلر فار پبلک افیرز مشعل راس بینس،ڈین فیکلٹی آف سائنسز پروفیسر ڈاکٹر محمد قیوم خان،ڈین فیکلٹی آف آرٹس پروفیسر ڈاکٹر عائشہ سہیل،ایسوسی ایٹ ڈین ڈاکٹر بشیرالرحمن کنٹھ اورجامعہ کشمیر کے ا علیٰ عہدہ داران شریک ہوئے ۔

تقریب سے خطاب کرتے ہوئے وائس چانسلرپروفیسر ڈاکٹر محمد کلیم عباسی نے کہا کہ لنکن کارنر کے قیام سے جہاں ہمارے طلبہ کو تحقیقی میدان میں سہولیات میسر آئیں وہاں امریکی جامعات تک بھی رسائی ممکن ہوئی۔

(جاری ہے)

وائس چانسلر نے امریکی عہدیداران کا شکریہ ادا کرتے ہوئے کہا کہ ہم سفارت خانہ متحدہ ہائے امریکہ کے عہدیداران کو انتہائی قدر کی نگاہ سے دیکھتے ہیں ۔

انہوں نے کہا کہ تعلیم کسی قوم اور ملک کی ترقی کے لیے از حد ضروری ہے ہماری یونیورسٹی کے اساتذہ اور طالب علم یونیورسٹی میں تعلیم کے معیار کو بڑھانے کے لیے شب وروز کوشاں ہیں ،ْجس کے لئے میں ان کی قدر کرتا ہوں ۔ میں امریکی حکومت کا شکر گزار ہوں کہ انہوں نے دس سال قبل یونیورسٹی میں لنکن کارنر کا قیام عمل میں لایا۔اس کارنر کی وجہ سے تعلیم کے لحاظ سے امریکی ثقافت اور تاریخ کے متعلق ہمارے اساتذہ اور طلبہ کو آگاہی حاصل ہوئی ۔

یہ کارنر یونیورسٹی کے طلبہ کے لیے ایک نعمت مترقبہ ثابت ہوئی کیونکہ اس کی مددد سے ہمارے طلبہ کو علم ،ْ وظائف اور تحیقیقی امدادی رقوم حاصل کرنے میں سہولت ہوئی، لنکن کارنر ہماری دو عظیم اقوام کے درمیان دوستی کی ایک یادگار ہے ۔اس سے نا صرف ہمارے طلبہ کو اپنے اپ کو جدید علوم سے آراستہ کرنے میں مدد ملی بلکہ اس نے یونیورسٹی میں علم کے حصول میں آسانی کے لیے تعاون کی فضاء پیدا کرنے میں مددکی ۔

ہمیں خوشی ہے کہ ہم آج لنکن کارنر کی دسویں سالگرہ منا رہے ہیں اور اس کی اہمیت کی پیش نظر آج MOUکی تجدید کر کے اس پروگرام کو آگے چلانے کا بندوبست کر رہے ہیں ۔ مجھے یقین ہے کہ دونوں ملکوں کے درمیان اس طرح کے اقدامات سے ان کی دوستی مزید مستحکم ہو گی ، میں اپنے مہما نان گرامی کا ہماری یونیورسٹی میںآنے پر تہہ دل سے مشکور ہوں ۔تقریب سے خطاب کرتے ہوئے امریکی سفارت خانے کی ڈپٹی کونسلر فار پبلک افیرز مشعل راس بینس نے کہا کہ ہم آزاد جموںوکشمیر یونیورسٹی کے شکر گزار ہیں کہ انہوں نے امریکی سفارتحانہ کے ساتھ کثیر الوقتی تعلق کو قائم رکھا۔

لنکن کارنر ہمارے ملک امریکہ اور اسکے لوگوں ،تاریخ ،جیوگرافی ،حکومت کے بارے میں طلبہ کو معلومات فراہم کرتا ہے۔ یہ کارنر امریکن شہریوں کے بارے میں جانکاری اور امریکیوں کے خیالات ے تبادلے کیلئے موثر جگہ ثابت ہوئی ہے۔ ہم پچھلے 11سال سے جامعہ کشمیر کے ساتھ باہمی تعلق کو انتہائی اہمیت دیتے ہیں۔ ہم کوارڈینٹر آمنہ گیلانی اور ان کی ٹیم کے شکرگزار ہیں۔

تقریب سے خطاب کرتے ہوئے ڈین فیکلٹی آف آرٹس پروفیسر ڈاکٹر عائشہ سہیل نے کہا کہ لنکن کارنر کے ایم او یو کی تقریب خوش آئند ہے، امریکہ اور آزاد جموںوکشمیر یونیورسٹی کے درمیان تعلقات اور ان کے فروغ کیلئے لنکن کارنر 11سالوں سے اہم کردار ادا کر رہا ہے۔ لنکن کارنر نے یونیورسٹ کے طلبہ کی تعلیمی زندگی میں اہم کردارادا کیا ہے۔