چین برطانیہ کے ساتھ بیلٹ و روڈ کے تحت ٹھوس تعاون کو آگے بڑھانے کا خواہاں ہے

چینی صدر شی جن پھنگ کی برطانیہ کی وزیراعظم کے ساتھ ٹیلی فون پر بات چیت

جمعہ 20 اپریل 2018 16:31

چین برطانیہ کے ساتھ بیلٹ و روڈ کے تحت ٹھوس تعاون کو آگے بڑھانے کا خواہاں ..

بیجنگ(اُردو پوائنٹ اخبارتازہ ترین - آئی این پی۔ 20 اپریل2018ء) چین کے صدر مملکت شی جن پھنگ نے دعوت پر برطانیہ کی وزیراعظم تھریسا میری مئے سے ٹیلی فون پر بات چیت کی۔ شی جن پھنگ نے کہا کہ رواں سال کے شروع میں وزیراعظم تھریسا میری مئے کے دورہ چین کے موقع پر ہم نے چین اور برطانیہ کے تعلقات کی"سنہرے دور " کے فروغ پر اہم اتفاق رائے حاصل کیا۔ہم نے دونوں ملکوں کے تعلقات کو آگے بڑھانے پر اتفاق کیا۔

چائنہ ریڈیو انٹرنیشنل کے مطابق انہوں نے کہا کہ چین برطانیہ کے ساتھ مل کر پالیسی کے شعبوں میں تبادلہ کو مضبوط اور اعلی سطح کے رابطے اور باہمی رابطے کے نظام کو برقرار رکھنا اور دی بیلٹ اینڈ روڈ کے ڈھانچے کے تحت ٹھوس تعاون کو آگے بڑھانا چاہتا ہے تاکہ چین اور برطانیہ کے تعلقات کے "سنہرے دور " کی تیز ترقی کے لئے زیادہ مواقع فراہم کیے جائیں۔

(جاری ہے)

برطانیہ کی وزیراعظم تھریسا میری مئے نے کہا کہ برطانیہ بو آو ایشیائی فورم کی افتتاحی تقریب سے صدر شی جن پھنگ کے خطاب میں چین کے کھلے پن کو توسیع دینے کی باتوں پر خراج تحسین پیش کرتا ہے۔برطانیہ چین کے ساتھ مل کر اعلی سطح اور مختلف شعبوں میں رابطوں کو مضبوط بنانا اور مختلف شعبوں میں تعاون کو توسیع دینا چاہتا ہے۔ برطانیہ دونوں ملکوں کے تعلقات کے "سنہرے دور " کو آگے بڑھانے کی کوشش کرے گا۔

دونوں رہنماوں نے شامی صورتحال اور بین الاقوامی تجارت پر تبادلہ خیال کیا۔شی جن پھنگ نے کہا کہ چین اور برطانیہ نے معیشت کی عالمگریت سے مفادات حاصل کئے ہیں۔چین برطانیہ سمیت مختلف فریقوں کے ساتھ مل کر آزاد تجارت کے موقف پر کثیرالجہتی تحارتی نظام کا تحفظ کرنے کی کوشش کرے گا اور کھلی عالمی معیشت کو فروغ دے گا۔برطانوی وزیراعظم نے آزاد تجارت اور کھلی معیشت کی حمایت کا بھی اظہار کیا۔