بھارت،جج لویا معاملہ پر کانگریس کی بدنیتی سپریم کورٹ نے واضح کر دی، آدتیہ ناتھ یوگی

راہول گاندھی عوام سے معافی مانگنیں،انگریس حکومت مخالف سوچ ابھارنا چاہتی ہے، وزیر اعلیٰ اتر پردیش

جمعہ 20 اپریل 2018 21:47

لکھنو(اُردو پوائنٹ اخبارتازہ ترین - آئی این پی۔ 20 اپریل2018ء) بھارتی ریاست اتر پردیش کے وزیر اعلیٰ آدتیہ ناتھ یوگی نے کہا ہے کہجج لویا معاملے میں سپریم کورٹ کے فیصلے کا خیر مقدم کرتے ہیں، کانگریس کی بدنیتی ابھر کر سامنے آگئی ، راہول گاندھی کو عوام سے معافی مانگنی چاہئے،کانگریس حکومت مخالف سوچ ابھارنا چاہتی ہے۔بھارتی میڈیا کے مطابق بھارتی ریاست اتر پردیش کے وزیر اعلیٰ آدتیہ ناتھ یوگی نے کہا ہے کہ جج لویا معاملے میں سپریم کورٹ کے فیصلے کا خیر مقدم کرتے ہیں۔

اس معاملے میں کانگریس کی بدنیتی ابھر کر سامنے آگئی ہے اور اس کیلئے کانگریس کے صدر راہول گاندھی کو عوام سے معافی مانگنی چاہئے۔ یوگی نے کہا کہ کانگریس نے ملک میں ایسا ماحول بنانے کی کوشش کی ہے جس سے حکومت کے تئیں لوگوں میں منفی سوچ پیدا ہو۔

(جاری ہے)

عدالت عظمیٰ نے تمام شکوک و شبہات دور کردیئے۔ یہ کانگریس کی سازش کا انکشاف ہے۔ واضح ہو کہ عدالت عظمیٰ نے مرکزی تفتیشی ایجنسی ( سی بی آئی) کے اسپیشل جج بی ایچ لویا کی موت کے کیس کی آزادانہ تحقیقات کی تمام درخواستیں مستر کردیں۔چیف جسٹس دیپک مشرا ، جسٹس اے ایم کھانولکر اور جسٹس ڈی وائی چندر چوڑ پر مشتمل بنچ نے یہ کہتے ہوئے اپیل خارج کردی کہ لویا موت کیس کی آزادانہ جانچ کی مانگ کرنے والی ان درخواستوں کی کوئی اہمیت نہیں۔