آئی جی سندھ نے عمرکوٹ میں13سالہ لڑکی کی مبینہ گمشدگی کا نوٹس لے لیا

منگل 24 اپریل 2018 15:40

کراچی(اُردو پوائنٹ اخبارتازہ ترین - این این آئی۔ 24 اپریل2018ء) آئی جی سندھ اے ڈی خواجہ نے عمرکوٹ میں13سالہ لڑکی کی مبینہ گمشدگی جبکہ شہیدبینظیرآباد میں لڑکی کے مبینہ اغواء کے واقعہ کے حوالے سے میڈیا رپورٹس پر نوٹس لیتے ہوئے بالترتیب میرپورخاص اور شہید بینظیر آباد کے ڈی آئی جیز سے تمام تر انکوائری پر مشتمل علیحدہ علیحدہ رپورٹس فی الفور طلب کرلی ہیں۔

(جاری ہے)

انہوں نے دونوں ڈی آئی جیز کو ہدایات جاری کیں کہ میڈیا رپورٹس کے مندرجات کو سامنے رکھتے ہوئے پولیس کے جملہ اقدامات کو انتہائی مؤثر اور مربوط بنایا جائے اور متاثرہ خاندانوں کو انصاف کی فراہمی کے عمل کو یقینی بنایا جائے ۔