آتش بازی کا سامان فروخت کرنے والوں کیخلاف کریک ڈائون کی ہدایت

جمعہ 27 اپریل 2018 13:15

چیچہ وطنی۔27 اپریل(اُردو پوائنٹ اخبارتازہ ترین - اے پی پی۔ 27 اپریل2018ء) ڈسٹرکٹ پولیس آفیسرساہیوال محمدعاطف اکرام نے پولیس افسران کو ہدایت کی ہے کہ آتش بازی کا سامان رکھنے ،فروخت کرنے اور چلانے والوں کے خلاف کریک ڈائون کریں،آتش بازی کا سامان رکھنے والوں سے ہرگز رعایت نہ برتی جائے،آتش بازی کے استعمال سے کسی معصوم کی جان چلی جائے یہ میں ہرگز برداشت نہیں کرسکتا۔

ان خیالات کا اظہار ڈسٹرکٹ پولیس آفیسر ساہیوال نے صحافیوں سے گفتگوکے دوران کیا۔

(جاری ہے)

انہوں نے کہا کہ حکومت پنجاب کی طرف سے آتش بازی کا سامان رکھنے اور فروخت کرنے پر کئی سالوں سے پابندی عائد ہے کیوں کہ متعدد شہروں میں آتش بازی کا سامان رکھنے اورفروخت کرنے سے کئی ہلاکتیں ہو چکی ہیں ۔ضلع ساہیوال کے شہری و نواحی علاقوں میں آتش بازی کا سامان رکھنے اور فروخت کرنے کے خلاف سخت کاروائی کی جائے ۔انہوںنے ایس ڈی پی او صاحبان اور ایس ایچ اوز کو خصوصی ہدایات جاری کرتے ہوئے کہا ہے کہ آتش بازی کے سامان کی خرید و فروخت کرنے والوں کے خلاف فوری حرکت میں آئیں ۔انہوں نے شہریوں سے اپیل کی وہ خود اپنے بچوں کو آتش بازی کے سامان سے باز رکھیںتاکہ جانی و مالی نقصان سے بچا جاسکے۔