پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن

اسلام امن و سلامتی کا دین اور اقلیتوں کو مساوی حقوق کی فراہمی کی تاکید کرتا ہے۔ سیکرٹری اطلاعات ق لیگ سنٹرل پنجاب

عمر جمشید پیر 1 اپریل 2024 14:43

پاکستان سمیت دنیا بھر میں بسنے والی مسیحی برادری کو ایسٹر کی مبارکباد ..

لاہور (اُردو پوائنٹ اخبارتازہ ترین۔ 01 اپریل2024ء) مسلم لیگ ق کے رہنما خواجہ رمیض حسن نے ایسٹر کے حوالے سے تہنیتی پیغام میں کہا کہ اقلیتوں کے حقوق آئین پاکستان اور ائین اسلام میں واضح ہیں۔

(جاری ہے)

انہوں نے کہا کہ کہ اسلام امن و محبت کا دین ہے جو نہ صرف اس کے پیروکاروں بالکہ تمام انسانیت کے بنیادی حقوق کا پاسدار ہے انہوں نے کہا کہ پاکستان کسی بھی قسم کی انتہا پسندی اور مذہبی انتشار کا متحمل نہیں ہو سکتا۔ ریاست کا ہر شہری بنیادی حقوق کا حقدار اور فرائض کی ادائیگی میں برابر جوابدہ ہے۔ انہوں نے کہا کہ عیسائی مذہب اہل کتاب ہیں ان کے مذہبی تہواروں کا احترام تمام پاکستانیوں کے اخلاقی فرائض میں شامل ہے۔عیسائی برادری کو ان کے تہوار ایسٹر پر مبارکباد پیش کرتے ہیں۔