ملک میں اگلی حکومت تحریک انصاف کی ہو گی،پارٹی میں شمولیت کرنیوالوں کی لائنیں لگی ہوئی ہیں،عمران خان
بلاول نے زندگی میں ایک منٹ کام نہیں کیااور لیڈر بننے چلا ہے ،آصف زرداری نے بیوی کے خط کے بل بوتے پر اقتدار حاصل کیا،شہباز شریف سب سے بڑا ڈرامہ باز ہے ،کراچی کو نیویار ک بنانے کی بڑھکیں مارتا ہے ،ہم اقتدار میں آ کر نوجوانوں کو روزگار اور تعلیم کے بھرپور مواقع دینگے جس کیلئے بڑا پیکج دیا جائیگا،دنیا کے بڑے سیاسی رہنما مشکل حالات سے نکل کر لیڈر بنے جن میں نیلسن منڈیلا ،قائد اعظم،باچا خان مفتی محمود شامل ہیں،چیئرمین تحریک انصاف کا پشاورمیں خطاب
جمعہ 27 اپریل 2018 20:55
(جاری ہے)
اس موقع پر صوبائی وزراء عاطف خان ،شہرام ترکئی اور محمود خان بھی موجود تھے۔تقریب سے خطاب کرتے ہوئے عمران خان نے کہا کہ خیبر پختونخوا کی حکومت پر فخر کرتا ہوں،تعلیم،صحت اور پولیس کے شعبوں میں پورے پاکستان میں پختونخوا حکومت کی کارکردگی سب سے بہتر ہے ،انھوں نے کہا کہ سرکاری نوکروں نے سرکاری ادارے تباہ کر دئے ہیں،جو حکومت آتی ہے اپنے لوگ بھرتی کرتے ہیں جو کام نہیں کرتے ،ہم پبلک پرائیویٹ پارٹنر شپ کے ذریعے روزگار کے مواقع پیدا کرینگے اور اس میں بہت بڑی رقم انوسٹ کرینگے۔
انھوں نے کہا کہ زندگی میں کوئی شارٹ کٹ نہیں مارنا،نالائق لوگ شارٹ کٹ کی تلاش میں رہتے ہیںاور کامیاب لوگ برے وقت کو اچھے طریقے سے ہینڈل کرتے ہیں۔انھوں نے کہا کہ کوئی بھی معاشرہ تعلیم کے بغیر ترقی نہیں کر سکتالیکن احمق حکمران اس طرف توجہ نہیں دے رہے ،عمران خان نے کہا کہ 1970میں پاکستان ترقی کی طرف گامزن تھا لیکن بعد میں آنیوالے نا اہل حکمرانوں نے ملک کا بیڑہ غرق کر دیا،انھوں نے کہا کہ ہم ایسا نظام لائیں گے جہاں پر کمزوروں کی مدد کی جائے ،مزدور اورچھابڑی فروش کے بچے اعلیٰ تعلیم حاصل کر کے ملک کا نام روشن کریں،جنگ بدر میں کامیابی کے بعد حضورپاک ﷺ نے جنگی قیدیوں کو کہا کہ جو دس مسلمانوں کو تعلیم دیگا اسے آزاد کر دیا جائیگاجس سے واضح ہوتا ہے کہ اسلام میں تعلیم کی کتنی اہمیت ہے ،جب ہماری حکومت آئی تو خیبر پختونخوا کے 160سکولز میں کمپیوٹر لیب تھیں تاہم اب یہ تعداد1300سے زائد ہو گئی ہے اور اگر مزید موقع ملا تو پورے صوبے کے سکولوں میں لیب بنائیں گے،انھوں نے کہا کہ ہماری اچھی کارکردگی کی وجہ سے خیبر پختونخوا میں ڈیڑھ لاکھ بچے نجی سکولوں سے نکل کر سرکاری سکولوں میں آ گئے ،انسان جتنا بڑا سوچتا ہے اتنا بڑا بن جاتا ہے ،اسلئے اپنی سوچ کو بڑا کریں اور اپنی ذات کی بجائے قوم کیلئے سوچیں ،انھوں نے کہا کہ شوکت خانم ترقی پذیر ممالک کا واحد ہسپتال ہے جہاں کینسر کے مریضوں کا75فیصد سے زائد مفت علاج ہوتا ہے اور یہی ہسپتال اب پشاور میں بھی شرو ع ہو چکا ہے۔انھوں نے کہا کہ نمل یونیورسٹی میں نوے فیصد بچے اردو میڈیم سے تعلق رکھتے ہیںاور وہ مفت تعلیم حاصل کر رہے ہیں،ان کو برطانوی یونیورسٹی بریڈ فورڈ ڈگری دے رہی ہے اور تعلیم سے فراغت کے بعد نوے فیصد طلباء کو اچھی ملازمت مل رہی ہے،انھوں نے کہا کہ بریڈ فورڈ کے امتحانی نتائج دس فیصد ہیں لیکن نمل کے امتحانی نتائج پچپن فیصد ہیں ۔انھوں نے کہا کہ جب کسی معاشرے میں کمزور طبقے کی مدد ہوتی ہے تو اللہ اس معاشرے پر رحم فرماتا ہے اور برکت ڈالتا ہے ۔انھوں نے کہا کہ سب سے بڑا ڈرامہ باز شہباز شریف ہے ،کہتا ہے کہ کراچی کو نیو یارک بنائوں گا،کئی دہائیوں سے حکومت کر رہا ہے لیکن اس کی کارکردگی اور ترقی صرف اشتہاروں میں ہوتی ہے ۔ہسپتالوں کے حوالے سے بات کرتے ہوئے عمران خان نے کہا کہ پرانے ہسپتالوں کو ٹھیک کرنا بہت مشکل ہوتا ہے چونکہ وہاں پر بہت سے لوگوں کے مفادات وابستہ ہوتے ہیںاور وہ ہسپتالوں کو ٹھیک کرنے نہیں دیتے ،بعض لوگ اچھے کاموں پر بھی سٹے لے لیتے ہیں تاہم انھوں نے کہاکہ پختونخوا کے ہسپتالوں کی حالت پانچ سال قبل سے اب بہت بہتر ہے ۔انھوں نے کہا کہ اگر ملک میں انصاف نہیں ہو گاتو ملک آگے نہیں جا سکتاتعلیم،عدالتی انصاف اور میرٹ سے معاشرہ اوپر جاتا ہے ۔انھوں نے کہا کہ مشکل حالات سے نہیں ڈرنا چاہئے ،میں نے پہلا ٹیسٹ کھیلنے کے بعد تین سال ٹیم سے باہر گزارے ،لیڈر مشکل حالات سہہ کر پیدا ہوتے ہیںاور بڑا لیڈر وہ ہوتا ہے جو برے وقت کو اچھے طریقے سے ہینڈل کرتا ہے ۔انھوں نے خیبر پختونخوا حکومت کی طرف سے نوجوانوں کیلئے خود روزگار سکیم کی تعریف کرتے ہوئے کہا کہ اس مد میں ہم سو گنا زیادہ اضافہ کرینگے۔بعد ازاں عمران خان نے وزیر اعلیٰ ہائوس پشاور میں مختلف اجلاسوں میں شرکت کی۔مزید اہم خبریں
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.