ایف آئی اے کی کارروائی ،قتل مقدمہ میں ملوث ساجد علی گرفتار

پیر 30 اپریل 2018 15:40

لاہور (اُردو پوائنٹ اخبارتازہ ترین - آن لائن۔ 30 اپریل2018ء) وفاقی تحقیقاتی ادارہ (ایف آئی ای) پنجاب کے امیگریشن کے عملے نے کارروائی کرتے ہوئے مقدمہ قتل میں ملوث شاہدرہ کا رہائشی کو انٹرپول کے ذریعے ڈی پورٹ کئے گئے ساجد علی کو گرفتار کر لیا اور انسداد انسانی سمگلنگ ونگ کے حوالے کر دیا گیا۔

(جاری ہے)

ایف آئی اے کے ڈپٹی ڈائریکٹر سمیع الرحمان نے ملزم کی تفصیلات سے آگاہ کرتے ہوئے بتایا کہ شاہدرہ کا رہائشی ساجد علی فلائیٹ نمبر پی کے 264 ابو ظہبی سے لاہور ائیر پورٹ آیا۔

امیگریشن کلیرنس کے دوران جب ساجد علی کی تفصیلات چیک کی گئیں تو اس کا انکشاف ہوا کہ ساجد علی ایف آئی آر نمبر 64/18 سٹی پولیس تھانے لاہور میں قتل کا نامزد مفرور ملزم ہے۔ ساجد علی کو انٹرپول حکام نے وہاں سے واپس ڈی پورٹ کر دیا ہے۔ انہوں نے کہا کہ ساجد علی کو انسداد انسانی سمگلنگ ونگ کے حوالے کرتے ہوئے مزید تفصیلات کا آغاز کر دیا ہے۔