شب قدر رحمتوں اور برکتوں والی رات ہے‘ الله سے گناہوں کی معافی مانگی جائے‘ چوہدری نعیم

پیر 30 اپریل 2018 20:51

میرپور(اُردو پوائنٹ اخبارتازہ ترین - آئی این پی۔ 30 اپریل2018ء) چیف آرگنائزر آل آزاد کشمیر انجمن تاجران وصدر مرکزی انجمن تاجران میرپور چوہدری محمد نعیم نے کہا ہے کہ شب قدر رحمتوں اور برکتوں والی رات ہے ۔اس بابرکت اور مقدس رات میں خلوص دل سے خداوندکریم سے معافی مانگی جائے ۔خداوند کریم اپنے نبیﷺ کے صدقے ملک پاکستان اور آزاد کشمیر کوسلامت رکھے ۔

مقبوضہ کشمیر کے مسلمانوں کے لیے جنوں نے اپنی ہر چیز آزاد ی کی خاطر قربانی دی ہے ۔

(جاری ہے)

شب قدر والی اس بابرکت رات میں اپنے کشمیری مسلمانوں کی آزادی کے لیے خصوصی دعائوں کاا ہتمام کر کے کشمیریوں کی آزادی کے لیے سچے دل سے دعا کی جائے ۔خدا وند کریم مقبوضہ کشمیر کے مسلمانوں کو آزادی کی صبح نصیب کرے ۔چوہدری محمد نعیم نے کہا کہ رمضان المبارک کی آمد ہے ۔تاجر برادری رمضان المبارک کے مقدس مہینے میں نیکیاںسمینٹے کے لیے خصوصی رمضان پیکچ دیں ۔روزے داروں کے لیے کم منافع میں اشیاء فروخت کریں خداوند کریم رمضان المبارک کے بابرکت مہنیے میں اُن کو دوگناہ اجر عطا فرمائے گا ۔