ویرات کوہلی انتہائی معمولی معاوضہ پر کاؤنٹی کرکٹ کھیلنے کیلئے راضی

کوہلی کا اسی ہفتے سرے کائونٹی سے معاہدہ طے پایا ، صرف ہوائی جہاز کی ٹکٹ ، رہنے کی جگہ اور میچ کھیلنے کی صرف معمولی رقم لینگے ، بھارتی بورڈ نے بھی تصدیق کردی

جمعہ 4 مئی 2018 21:14

ویرات کوہلی انتہائی معمولی معاوضہ پر کاؤنٹی کرکٹ کھیلنے کیلئے راضی

نئی دہلی (اُردو پوائنٹ اخبارتازہ ترین۔ 04 مئی2018ء) ویرات کوہلی کا شمار ضرور سب سے زیادہ فیس لینے والے کرکٹر میں ہوتا ہوگا لیکن برطانیہ کی سرے کاؤنٹی کیلئے ویرات کوہلی کو انتہائی معمولی رقم دی جاری ہے۔۔بھارت کے کرکٹ بورڈ بی سی سی آئی نے اس بات کی تصدیق کرتے ہوئے بتایا کہ اسی ہفتہ سرے کاؤنٹی کرکٹ سے معاہدے طے پایا ہے۔رپورٹ کے مطابق بی سی سی آئی کے ایک سینئر آفسر نے بتایا کہ لوگوں کا یہ ماننا غلط ہے کہ ویرات اس کاؤنٹی کرکٹ کیلئے بھاری معاوضہ لیں گے جبکہ سرے انہیں صرف ہوائی جہاز کی ٹکٹ ، رہنے کی جگہ اور میچ کھیلنے کی صرف معمولی رقم ادا کریں گے۔

انہوں نے کہا کہ’کرکٹ بورڈ اور ویرات سرے کاؤنٹی کرکٹ کھیلنے کیلئے کافی متاثر ہیں اسی لیے ہمارے لیے فیس زیادہ ہونا اہمیت نہیں رکھتی۔

(جاری ہے)

’رپورٹ کے مطابق جب سے مداحوں کو اس خبر کا پتا لگا تھا کہ ویرات کوہلی سرے کاؤنٹی کرکٹ کھیلنے جارہے ہیں ،اسی وقت سے لوگ اور میڈیا بی سی سی آئی سے سوالات کرنے لگی کہ ویرات برطانیہ کی کاؤنٹی کرکٹ کھیلنے کیلئے کیا فیس لے رہے ہیں اور اسی وجہ سے بورڈ نے اپنا بیان پیش کیا۔

انہوں نے مزید کہا کہ ‘ہمیں معاوضہ سے کوئی مسئلہ نہیں بلکہ ویرات کو ایک عام کرکٹر کی حیثیت سے رقم دی جاری ہے جبکہ اس معاہدے کی مدد سے دونوں سرے کاؤنٹی کرکٹ اور ہمارے کرکٹ بورڈ کو فائدہ ہوگا۔’ بی سی سی آئی کا کہنا ہے کہ ‘بھارت ٹیم کے کپتان ویرات کوہلی وبرطانیہ کی کاؤنٹی کرکٹ کھیلنے اس لیے جارہے ہیں تاکہ وہ مستقبل میں کھیلے جانے والی انگلینڈ اور بھارت کے درمیان سیریز کیلئے تیار ہوں اور اپنی ٹیم کو ان چیزوں سے اگاہ کریں جس پر عمل کرکے وہ سیریز اپنے نام کرسکے۔۔