ن لیگ کے سینئیر رہنما اپنے ہی قائد کے خلاف بول پڑے

لاہور (اردو پوائنٹ تازہ ترین اخبار۔11مئی 2018ء) پاکستان مسلم لیگ ن کے رہنما شیخ وقاص اکرم کا کہنا ہے کہ لیڈر کا کام رونا نہیں لیڈر کا کام ہمارے حق کیلئے لڑنا ہے۔ یہاں لیڈروں کے اپنے رولے ختم نہیں ہوتے۔تفصیلات کے مطابق پاکستان مسلم لیگ ن کے قائد و سابق وزیراعظم نواز شریف کو پانامہ پیپرز کے بعد وزارت عظمی سے ہاتھ دھونا پڑا۔اور اس کے بعد نواز شریف کو تا حیات نا اہل بھی قرار دیا گیا تھا۔

جس کے بعد نواز شریف نے عوامی عدالت میں جانے کا فیصلہ کیا  اور عوام میں آ کر جلسے کرنا شروع کر دئیے۔انہی جلسوں میں نواز شریف نے ’ووٹ کو عزت دو’ کا نعرہ لگایا۔نواز شریف کا یہ نعرہ بہت مقبول ہوا تا ہم جہاں نواز شریف جو اس نعرے کی وجہ سے ان کے حامیوں نے سراہا وہیں نواز شریف کو اس نعرے کی وجہ سے تنقید کا سامنا بھی کرنا پڑا۔

(جاری ہے)

کچھ لوگوں کا خیال تھا کہ اگر نواز شریف ووٹ کو عزت دینے کی بات کرتے ہیں تو پھر پہلے وہ ووٹر کو عزت دیں۔

اسی متعلق پاکستان مسلم لیگ ن کے رہنما نے بھی ایک ٹویٹ کیا ہے،پاکستان مسلم لیگ ن کے رہنما شیخ وقاص اکرم نے اپنے ٹویٹر اکاؤنٹ پر ٹویٹ کرتے ہوئے کہا ہے کہ ووٹر صرف ووٹ دے سکتا ہے۔ ووٹ کے تقدس کو یقینی بنانا لیڈر کا کام ہے۔ لیڈر کا کام رونا نہیں لیڈر کا کام ہمارے حق کیلئے لڑنا ہے۔ یہاں لیڈروں کے اپنے رولے ختم نہیں ہوتے۔یہ رولے عوام کی نہیں آپکی اپنی وجہ سے ہیں۔

بندوق ہمارے کندھے پر کیوں۔