میگھن مارکل کاعروسی جوڑے کے ذریعے پاکستان و دیگر کامن ویلتھ ممالک کو خراج تحسین

میگھن نے جو عروسی لباس زیب تن کیا اس پر پاکستان کے قومی پھول چنبیلی سمیت تمام 53 کامن ویلتھ ممالک کے پھولوں کو دھاگے سے کشید کیا گیا تھا

ہفتہ مئی 21:06

میگھن مارکل کاعروسی جوڑے کے ذریعے پاکستان و دیگر کامن ویلتھ ممالک کو ..
اسلام آباد (اُردو پوائنٹ اخبارتازہ ترین۔ 19 مئی2018ء) برطانوی شہزادہ ہیری اپنی دیرینہ دوست اور امریکی اداکارہ میگھن مارکل کے ساتھ رشتہ ازدواج میں منسلک ہوگئے۔میڈیا رپورٹ کے مطابق میگھن نے اپنی زندگی کے اہم ترین دن پر جو عروسی لباس زیب تن کیا اس پر پاکستان کے قومی پھول چنبیلی سمیت تمام 53 کامن ویلتھ ممالک کے پھولوں کو دھاگے سے کشید کیا گیا تھا۔

امریکی اداکارہ میگھن مارکل کی شادی کا جوڑا معروف خاتون فیشن ڈیزائنر کلیئر ویٹ کیلر نے تیار کیا جو روایتی سیفد رنگ کا تھا اور لباس کے ساتھ جو گھونگھٹ تیار کیا گیا تھا اس کی لمبائی 5 میٹر تھی۔میگھن مارکل کے سر پر سجے ملکہ میری کے ہیرے کے تاج نے اس گھونگھٹ کو تھاما ہوا تھا، سامنے سے جالی دار گھونگھٹ نے میگھن کے چہرے کو ڈھکا ہوا تھا جبکہ گھونگھٹ کا پچھلا حصہ زمین پر دور تک پھیلا ہوا تھا۔

(جاری ہے)

میگھن مارکل نے ڈریس ڈیزائنر سے خود یہ فرمائش کی تھی کہ ان کے شادی کے جوڑے پر دولت مشترکہ کے تمام 53 ممالک اور ان کے آبائی علاقے کیلی فورنیا کے پھولوں کی نمائندگی ہونی چاہیے ،ْ اس طرح میگھن مارکلے نے پاکستان سمیت دولت مشترکہ کے 53 ممالک کو اپنی شادی کے موقع پر یاد رکھ کر انہیں خراج تحسین پیش کیا۔رپورٹ کے مطابق میگھن کی فرمائش پر ڈیزائنر نے 5 میٹر طویل گھونگھٹ پر پاکستان کے قومی پھول چنبیلی سمیت دیگر کامن ویلتھ ممالک کے پھولوں کو سوئی دھاگے کے ذریعے بٴْننے کا بندوبست کیا۔

متعلقہ عنوان :