بڑے خلیجی ملک میں اونٹنی کے دودھ سے بچوں کیلئے ملک پائوڈر تیار

منگل مئی 11:50

بڑے خلیجی ملک میں اونٹنی کے دودھ سے بچوں کیلئے ملک پائوڈر تیار
دبئی ۔ (اُردو پوائنٹ اخبارتازہ ترین۔ 22 مئی2018ء) متحدہ عرب امارات میں ایک کمپنی نے بچوں کے دودھ کا پائوڈر اونٹنی کے دودھ سے تیار کرلیا۔ العریبیہ نیوز کے مطابق دبئی کی ملجس کمپنی کے مارکیٹنگ مینیجر نے میڈیا سے گفتگو کرتے ہوئے بتایا کہ ان کی کمپنی اونٹنی کے دودھ سے 40 سے زیادہ اشیاء تیار کرکے مارکیٹ کو فراہم کررہی ہے۔

(جاری ہے)

ان اشیاء میں انرجی ڈرنکس، دودھ کا پائوڈر اور آئس کریم قابل ذکر ہیں۔ انھوں نے کہا وہ بچوں کیلئے تیار کئے گئے نئے دودھ کو جون میں عالمی سطح پر متعارف کرائیں گے۔ انھوں نے کہا کہ ان کی کمپنی اونٹنی کے دودھ سے صحت فوائد حاصل کرنے کی مزید سکیمیں تیار کرنے کا ارادہ رکھتی ہے۔